پێدەچێت پرۆسەی دەرچونی بریتانیا لەیەکێتی ئەوروپا دوابخرێت

- 2/23/2019 5:01:00 PM 3263 جار خوێندراوەتەوە

بەهمەن ئەحمەد- خەندان
سێ وەزیری باڵای حکومەت هۆشیارییان داوەتە تێریزامەی سەرۆک وەزیرانی بریتانیا  کە ئەگەر لەماوەی چەند رۆژی داهاتو نەگاتە رێککەوتنێک لەگەڵ یەکێتی ئەوروپا پێویستە پرۆسەی جیابونەوەکە دوابخات.
پشتگیری درێژکردنەوەی بڕگەی (50)ی دەستور دەکەن

 

بەپێی هەواڵێکی تۆڕی هەواڵی (بی بی سی نیوز)، هەریەک لە ئەمبار روت، دەیڤد کوەیک و گرێگ کلارک لەنوسینێکدا ئەمڕۆ شەممە رایانگەیاندوە ئەگەر لەماوەی چەند رۆژی ئایندە تێریزامەی لەگەل ئەوروپا نەگاتە رێکەوتنێک ئەوا لەپەرلەمان پشتگیری درێژکردنەوەی بڕگەی (50)ی دەستور دەکەن بۆ دواخستنی پرۆسەی جیابونەوەکە و بەهیچ جۆرێک رێگەنادەن لە 29 ی ئازاردا بەبێ رێککەوتن لەگەل یەکێتی ئەوروپا بریتانیا بڕیاری جیابونەوە بدات.

هۆشیاریشیانداوە کە ئەگەر بێت و لەپەرلەماندا نەرمی نەنوێنرێت لەسەر رێگرییەکان ئەوا کاتی پێیویست لەبەردەست نیە بۆ راگەیاندنی رێککەوتن و دەرچواندنی یاسایەک بۆی لەپەرلەمامندا پێش وادەی دیاریکراوی خۆی کە 29ی ئازاری داهاتوە.

هۆشیاری سێ وەزیری پایە بڵندی حکومەتەکەی تێریزامەی لەکاتێکدایە کە چەند رۆژێک بەرلەئێستا سێ پەرلەمانتاری پارتی پارێزگاران دەستلەکارکێشانەوەی خۆیان راگەیاند و رەخنەی توندیان لەپارتەکەیان گرت بەوەی خاتری تێریزامەی دەگرێت و بوەتە پارتێکی راستڕەو.



Copyright © 2016 Xendan.org all rights reserved

designed and developed by AVESTA GROUP