بەرپرسانی کورد پێشوازی لە بڕیاری هێشتنەوەی بەشێک لە سوپای ئەمریکا دەکەن

- 2/23/2019 12:54:00 PM 2264 جار خوێندراوەتەوە

خەندان-

ئیدارەی کۆشکی سپی رایگەیاند، سەربازانی وڵاتەکەیان لە سوریا دەکشێننەوە، بەڵام 400 سەرباز بۆ پاراستنی ناوچەی سەلامەتی کوردەکان و سەربازگەکەیان دەهێڵنەوە، بەرپرسێکی سەربازی کوردیش بڕیارەکە بەئەرێنی دەزانێت و پێشوازی لێدەکات. 

بەپێی ئاژانسی رۆیتەرز، ئیدارەی کۆشکی سپی رایگەیاندوە، لەسەر بڕیاری دۆناڵد ترەمپ، سەرۆکی وڵاتەکەیان پاشەکشە بەسوپاکەیان دەکەن، بەڵام ژمارەیەک سەرباز دەهێڵنەوە بەمەبەستی پاراستنی ئاشتی ناوچەکە.

کۆشکی سپی ژمارە و شوێنی سوپاکەیانی ئاشکراکردوە و رایگەیاندوە، 400 سەربازی سوپاکەیان لەناو خاکی سوریا دەهێڵنە، کە یەشێکیان پارێزگاری لە ناوچەی سەلامەتی کوردەکان دەکات و بەشێکیشیان لە بنکەی سەربازی وڵاتەکەیان لەشاری تەنەف لە نزیک سنوری عێراق و ئوردون دەمێننەوە.
ئەمریکا 400 سەرباز لەناو خاکی سوریا دەهێڵێتەوە

لای خۆشییەوە عەبدولکەریم عومەر، هاوسەرۆکی هێزەکانی سوریای دیموکرات بۆ کاروباری دەرەوە رایگەیاندوە، "بڕیارەکەی ئیدارەی ئەمریکا ئەرێنیە و کورد پێشوازی لێدەکات، چونکە دەبێتەهۆی هاندانی وڵاتانی دیکەی ئەوروپا کە بەشێک لە هێزەکانیان بۆ پاراستنی ئاشتی ناوچەکە بهێڵنەوە".

ئەو بەرپرسەی کورد ئاماژەی بەوەشکردوە، بڕیارەکەی ئەمریکا بۆ رێگریکردن لە هێرشەکانی تورکیا و مەترسی دەستدرێژییەکانی ئەو وڵاتە سودی زۆری هەیە و پێیانوایە ئەمریکا دەیەوێت ئەم ناوچەیە پارێزراوبێت.


نیشانەکردن :

#ئه‌مه‌ریكا

Copyright © 2016 Xendan.org all rights reserved

designed and developed by AVESTA GROUP