زانیارى لەسەر ئەو دوو پۆلیسەى دوێنێ خنکان

- 2/22/2019 10:37:00 AM 21742 جار خوێندراوەتەوە

خەندان-

ئێوارەى دوێنێ لە قەزاى چەمچەماڵ، دوو پۆلیسى لیوای نەوت و گازی هەرێم بەمەبەستى ئەنجامدانى راوەماسى دەچنە نزیک گوندى کۆرومۆرى ناحیەى قادر کەرەم، بەڵام هەردوکیان دەخنکێن.

رووداوەکە ئەو کاتە دەستپێدەکات کە یەک لە پۆلیسەکان دەکەوێتە ناو ئاوەکە، پۆلیسەکەى هاوڕێى خۆى هەڵدەداتە ناو ئاوەکە بە مەبەستى ڕزگارکردنى، بەڵام هەردوکیان دەخنکێن.

رەمک رەمەزان قائیمقامى قەزاى چەمچەماڵ لەبارەى رووداوەکەوە بە خەندان-ى وت، ئێوارەى دوێنێ کاتژمێر پێنج، دوو پۆلیسى فەوجی 3ـی لیوای 3ـی نەوت وگازی هەرێم، بەمەبەستى ئەنجامدانى راوەماسى دەچنە نزیک گوندى کۆرومۆرى ناحیەى قادر کەرەم.
دەیەوێت هاوڕێکەى رزگاربکات، بەڵام خۆشى دەخنکێت
وتیشى: هەردوو پۆلیسەکە خێزانداربون و (هێمن) لەدایکبوى 1980 بوەو (هاوکار) لەدایکبوى 1991 بوە، هەردووکیان پلەی سەربازییان پ پ ۲ و دانیشتوی عەربەتن و بەمەبەستی ڕاوە ماسی نزیکی ئەو گۆماوە کەوتوون .

لەبارەى چۆنیەتى روداوەکەوە، قائیمقامى چەمچەماڵ وتى: "یەک لە پۆلیسەکان بە ناوى (هێمن) کاتێک دەکەوێتە ناو ئاوەکە، پۆلیسەکەى هاوڕێى بە ناوى (هاوکار) خۆى هەڵدەداتە ناو ئاوەکە بە مەبەستى ڕزگارکردنى، بەڵام هەردوکیان دەخنکێن".

ئەوەشیخستەروو کە تیمەکانی غەواس و هێزەکانی پۆلیس کاتژمێر 7:15 خولەکى ئێوارەى دوێنێ تەرمى یەکیانى دۆزیەوە و تەرمى دوەمى کاتژمێر 9:25 خولەک دۆزرایەوە،  و لە رێگەى دامودەزگاکانى ناحیەى قادر کەرەم و هێنرانەوە چەمچەماڵ و دواتر لە درەنگانى شەودا بەڕێکران بەرەو پزیشکى دادوەرى بۆ زیاتر لێکۆڵینەوە.

نیشانەکردن :

#پۆليس #خۆ خنکاندن

Copyright © 2016 Xendan.org all rights reserved

designed and developed by AVESTA GROUP