تێرێزای مەی لەگەڵ كۆمسیۆنی یەكێتی ئەوروپا كۆدەبێتەوە

- 2/20/2019 9:47:00 AM 1961 جار خوێندراوەتەوە

خەندان- 

تێرێزا مەی، سەرۆک وەزیرانی بریتانیا لەمیانەی هەوڵەكانیدا بۆ جێبەجێكردنی بڕیاری برێكزیت لەگەڵ جین كڵاود جەنكەر، سەرۆكی كۆمسیۆنی یەكێتی ئەوروپا لە برۆكسل كۆدەبێتەوە.

بەپێی ئاژانسی رۆیتەرز، ئەمڕۆ چوارشەممە، لە چوارچێوەی هەوڵەكانیدا بۆ رازیكردنی پەرلەمانی وڵاتەكەی بە چونە دەرەوەی بریتانیا لە یەكێتی ئەورپا، تێرێزا مەی، سەرۆك وەزیرانی بریتانیا لەگەڵ جین كڵاود، سەرۆكی كۆمسیۆنی یەكێتی ئەوروپا كۆدەبێتەوە.

پاش دوایین شكستی مەی لە كۆتا دەنگدانی پەرلەمانتارانی وڵاتەكەی لەبارەی بڕیاری برێكزیتەوە، كۆبونەوەكانی ئەمدواییانەی بەرپرسانی بریتانیا و یەكێتی ئەورپا  نەگەیشتوەتە هیچ دەرەنجامێكی بنبەست بۆ بڕیاردان لەسەر چونەدەرەوە یاخود مانەوەی بریتانیا لە یەكێتیەكە.
كۆبونەوەكانی بەرپرسانی بریتانیا و یەكێتی ئەورپا  نەگەیشتوەتە هیچ دەرەنجامێك

وتەبێژی تێرێزا مەی سەبارەت بە كۆبونەوەكان رایگەیاند، كۆبونەوەكان بەشێكی گرنگن لە دانوستانەكاندا لەگەڵ یەكێتی ئەوروپا، بەڵام سەرچاوە هەواڵیەكان دەڵێن، مەی دڵنیانیە لەو كۆبونەوانەی ئەم هەفتەیە ئەنجامیاندەدات بۆ تێپەڕاندنی دۆخی چەقبەستوی پەرلەمانی وڵاتەكەی.
كۆبونەوەكان بەشێكی گرنگن لە دانوستانەكاندا لەگەڵ یەكێتی ئەوروپا

وتەبێژی كۆمسیۆنی ئەوروپا لەو بارەیەوە رایگەیاند، "هەر27 وڵاتی ئەندام یەكێتی ئەورپا سەرلەنوێ رێككەوتنی چونەدەرەوە دوبارەناكەنەوە و ناتوانین سنورێكی كاتی دیاریكراو تایبەت بە ئێرلەندا یاخود بەندێكی تایبەت بە یەك لایەن دابنێین".

ئەوە لەكاتێكدایە، هەفتەی رابردوو پڕۆسەی دەنگدان بۆ پلانە نوێیەكەی تێرێزا مەی بە مەبەستی چونەدەرەوە لە یەكێتی ئەوروپا، لە پەرلەمانی بریتانیا ئەنجامدرا و پەرلەمانتارانی بریتانیا بۆ جاری دوەم و دوای ئەوەی لە ماوەی پێشودا دژ بە بڕیاری كشانەوەی وڵاتەكەیان لە یەكێتی ئەوروپا دەنگیاندا، له‌ كۆبونه‌وه‌ى پێنجەشممەی رابردوشدا بە زۆرینەی دەنگ لە دژی پلانە نوێیەكەی تێرێزا مەی وەستانەوە.

وابڕیارە لە بەرواری 29ی ئازاری ئەمساڵدا، بریتانیا لە یەكێتی ئەوروپا بكشێتەوە، لەكاتێكدا لە 29ی كانونی دوەمی ئەمساڵدا ئەنجومەنی نوێنەرانی وڵاتەكە، بە مەبەستی گۆڕینی بڕیاری چونەدەرەوە لە یەكێتیەكە، لە دژی بڕیارەكە لە دەنگیاندا.



Copyright © 2016 Xendan.org all rights reserved

designed and developed by AVESTA GROUP