خەندان پشک و پۆستەکانی گۆڕان و رێککەوتنەکەى لەگەڵ پارتى بڵاودەکاتەوە

- 2/16/2019 9:45:00 PM 98442 جار خوێندراوەتەوە

خەندان-
ئەمشەو پارتى دیموکراتى کوردستان و بزوتنەوەى گۆڕان کۆبوونەوە و بەپێى زانیارییەکانى خەندان پارتى 18% بۆ 20% ى پۆستەکانى حکومەتى هەرێم دەداتە گۆڕان، رێککەوتنى نێوان ئەو دوو هێزەش هاوکاتە لەگەڵ ساڵیادى خۆپیشاندانەکانى 17ى شوبات.
پارتى 18% بۆ 20%ى پۆستەکانى حکومەتى هەرێم دەداتە بزوتنەوەى گۆڕان

 

بەپێى هەندێک زانیارى کە لەسەرچاوەى بەرپرس لە کۆبوونەوەى گۆڕان و پارتى دەست خەندان کەوتوە، لە کۆبونەوەى ئەمشەودا گۆڕان و پارتى رێککەوتون کە پارتى 18% بۆ 20%ى پۆستەکانى حکومەتى هەرێم بداتە بزوتنەوەى گۆڕان.

بەپێى زانیارییەکانى خەندان تا ئێستا جێگرى سەرۆکى هەرێمى کوردستان، وەزیرى پەروەردە، وەزیرى ئاوەدانکردنەوە، راوێژکارێکى ئەنجومەنى ئاسایشى هەرێمى کوردستان و سەرۆکى دەستەى وەبەرهێنان و ژمارەیەک لە بەڕێوەبەرە گشتییەکانى ناو وەزارەتەکان دەدرێتە بزوتنەوەى گۆڕان.
پارتی ئیستحقاقاتى گۆڕانی نزیکردوەتەوە لە ئیستحقاقەکانى یەکێتى نیشتیمانى کوردستان

 

پارتى دیموکراتى کوردستان لە پێناو رازیکردنى بزوتنەوەى گۆڕان بۆ بەشدارییکردنى لە دانیشتنى 18ى مانگى پەرلەمان ئیستحقاقاتى گۆڕان نزیککردوەتەوە لە ئیستحقاقەکانى یەکێتى نیشتیمانى کوردستان لە کابینەى نۆیەمى حکومەتى هەرێم، هەرچەندە بزوتنەوەى گۆڕان تەنها 12 کورسى پەرلەمانى کوردستانى لە خولى پێنجەم بەدەستهێناوە.
ئەو رێککەوتنە هاوکاتە لەگەڵ ساڵیادی خۆپیشاندانەکانی 17ی شوبات

 

ئەو رێککەوتنەى نێوان بزوتنەوەى گۆڕان و پارتى دیموکراتى کوردستان هاوکاتە لەگەڵ ساڵیادى خۆپیشاندانەکانى 17ى شوباتى ساڵى 2011.


Copyright © 2016 Xendan.org all rights reserved

designed and developed by AVESTA GROUP