پارتى و یەکێتى رێککەوتن لەسەردانانى پارێزگارێک بۆ کەرکوک

- 2/15/2019 1:03:00 PM 103146 جار خوێندراوەتەوە

خەندان-

لە کۆبوونەوەى ئەمڕۆدا پارتى دیموکراتى کوردستان رازى بوو بە دانانى پارێزگارێک بۆ کەرکوک لەلایەن یەکێتى نیشتیمانى کوردستانەوە .

لەئێستادا کۆبوونەوەى شاندى پارتى دیموکراتى کوردستان و یەکێتى نیشتیمانى کوردستان بەردەوامى هەیە و بەپێى زانیارییەکانى خەندان کە لەسەرچاوەیەکى تایبەت بەدەستى گەیشتوە یەکێک لە خاڵە سەرەکییەکانى کۆبوونەوەکە تایبەت بووە بە دانانى پارێزگارێک بۆ کەرکوک لەلایەن یەکێتییەوە و پارتیش رەزامەندى دەربڕیوە.

خەندان ناوى ئەو کاندیدەى لایە کە یەکێتى داویەتییە پارتى وەک کاندیدى پارێزگارى کەرکوک، بەڵام بۆ هۆکارى دروستنەبوونى کێشە لەبەردەم دانوستانەکانى هەردوولا ناوەکەى بڵاوناکاتەوە.

هەربەپێى سەرچاوە تایبەتەکەى خەندان، پارتى رازى بووە یەکێتى ئەو کەسەى مەبەستیەتى کاندیدى بکات بۆ پارێزگارى کەرکوک، بەو پێیەش پێدەچێت کۆبوونەوەکەى ١٨ ى مانگى ئەنجومەنى پارێزگاى کەرکوک بەبێ هیچ بەربەستێک ئەنجامبدرێت.

 

 



Copyright © 2016 Xendan.org all rights reserved

designed and developed by AVESTA GROUP