بەپەلە

تەندروستی سلێمانی لەسەر بۆنەکەی نەخۆشخانەی منداڵان رونکردنەوە دەدات

- 2/12/2019 10:08:00 AM 2178 جار خوێندراوەتەوە

خەندان-

وتەبێژی تەندروستی سلێمانی رایگەیاند، ئەو بۆنەی شەوی رابردو لە نەخۆشخانەی منداڵان (جەمال ئەحمەد رەشید) بڵاوبوەتەوە "بۆنی غاز نییە و رەنگە مادەیەکی تەعقیم بوبێت".
تا ئێستا هۆکاری بۆنەکە نەزانراوە

 

یاد نەقشبەندی، وتەبێژی تەندروستی سلێمانی بە خەندان-ی راگەیاند، ئەو بۆنەی شەوی رابردو لە نەخۆشخانەی جەمال ئەحمەد رەشید بڵاوبوەتەوە تەنها بۆنێک بوە لە ناو نەخۆشخانەدا بڵاوبوەتەوە و غاز نەبوە، باری تەندروستی هیچ منداڵێک تێکنەچوە، بۆنەکەش لە یەک نهۆم بوە، لە ئێستاشدا بۆنەکە نەماوە.

ئاماژەی بەوەشکرد، ئەگەر غاز بوایە بەشێک لە منداڵەکان باری تەندروستیان تێکدەچو، لەگەڵ ئەو هاوڵاتیانەی دیکە کە لەوێ بون و تا ئێستاش هۆکاری بۆنەکە نەزانراوە و لێکۆڵینەوەش لەلایەن بەرگری شارستانییەوە بەردەوامە.

نیشانەکردن :

#سلێمانی

Copyright © 2016 Xendan.org all rights reserved

designed and developed by AVESTA GROUP