سەرۆکی ڤەنزویلا داوای لابردنی ترەمپ دەکات

- 2/11/2019 9:23:00 PM 2257 جار خوێندراوەتەوە

خەندان-
حکومەتی ئێستای ڤەنزویلا بەسەرۆکایەتی نیکۆلاس مادۆرۆ دەستی بە گەورەترین و گرنگترین ئیۆپەراسیۆنی سەربازی کردوە دژ بەنەیارەکانی.

بەپێی زانیارییەکانی ئاژانسی ئەنادۆڵ، ئۆپەراسیۆنەکە دوێنێ یەک شەممە ١٠/٢/٢٠١٩ دەستیپێکردوە و تا ١٥ ی ئەم مانگە بەردەوام دەبێت.

لەمبارەیەوە مادۆرۆ لە وتەیەکیدا لەبەردەم سەربازانی وڵاتەکەی کەلە بنکەیەکی سەربازی پێشکەشیکرد رایگەیاند: پێویستە ئامادەبین بۆ پارێزگاریکردن لە سەروەری و یەک پارچەیی خاکی وڵاتەکەیان.
ترەمپ مەترسییە بۆ جیهان

 

مادۆرۆ ئاماژەی بەوەشکردوە ئێستا خەڵک و سوپای وڵاتەکەی لێرە بۆ بەرگریکردن لەسەروەری و سەربەخۆیی  وڵاتەکەی کە زیاتر لە ٢٠٠ ساڵە خەباتی بۆدەکەن.

هاوکات، مادۆرۆ داوای گۆڕینی دۆناڵد ترەمپ سەرۆکی ئەمەریکای کرد و رایگەیاند: پێویستە ترەمپ لەدەسەڵات دووربخرێتەوە، چونکە مەترسییە بۆ جیهان.

بەپێی لێکدانەوە سیاسییەکان، پێدەچێت پشتگیری راستەوخۆی ئەمەریکا لە ئۆپۆزسیۆنی ڤەنزویلا و ناساندنی وەک سەرۆکی کاتی ئەو وڵاتە سەربکێشێت بۆ دەستێوەردانی راستەوخۆی سەربازی.


نیشانەکردن :

#ڤەنزوێلا #ئه‌مریكا

Copyright © 2016 Xendan.org all rights reserved

designed and developed by AVESTA GROUP