وەزیرانى بەرگرى روسیا و تورکیا کۆبونەوە

- 2/11/2019 5:32:00 PM 1422 جار خوێندراوەتەوە

خەندان-

وەزیرانی بەرگری تورکیا و روسیا لە ئەنقەرەی پایتەختی تورکیا کۆبونەوە و بەپێی زانیارییەکانیش ئامانج لەکۆبونەوەکە گەشتنە بە رێککەوتنێک بۆ پاراستنی بەرژەوەندییە دولایەنییەکانیان لەناوچەکەدا.

بەپێی هەواڵێکی ئاژانسی ئەنادۆڵو، هەریەک لە خلوسی ئاکار وەزیری بەرگری تورکیا و سێرگی شۆیگۆ وەزیری دەرەوەی روسیا لە ئەنقەرەی پایتەختی تورکیا کۆبونەوە و باسی پاراستنی ئاشتی ناوچەکە و گرێدانی زیاتری بەرژەوەندییەکانیان کردوە.
تورکیا و روسیا لەسەر هەموو ئاستێک گفتوگۆ دەکەن بەمەبەستی پاراستنی ئاشتی و سەقامگیریی ناوچەکە 

 

لەمبارەیەوە وەزیری بەرگری تورکیا رایگەیاند: تورکیا و روسیا لەسەر هەموو ئاستێک گفتوگۆ دەکەن بەمەبەستی پاراستنی ئاشتی و سەقامگیریی ناوچەکە  و بەرژەوەندییەکانی هەردولا.

وتیشی: هەوڵەکانمان بۆ باشترکردنی پەیوەندییەکان و پێکەوەگرێدانی بەرژەوەندییەکان گەرەنتی زیاتری ئاشتی لەناوچەکە دەکات.

کۆبونەوەی ئەمڕۆی وەزیرانی بەرگری روسیا و تورکیا لەکاتێکدایە تەنها سێ رۆژی ماوە بۆ وادەی ئەنجامدانی کۆبونەوەی لوتکەی (تورکیا، روسیا، ئێران) لە روسیا بۆ قسەکردن لەسەر بابەتەکانی پەیوەست بە سوریا.


نیشانەکردن :

#تورکیا #روسیا

Copyright © 2016 Xendan.org all rights reserved

designed and developed by AVESTA GROUP