هەواڵی ئەمڕۆ

داعش دواین ناوچەی ژێر دەسەڵاتی خۆی چۆڵدەکات

- 2/7/2019 7:00:00 PM 15390 جار خوێندراوەتەوە


خەندان-بەهمەن ئەحمەد

چەکدارانی داعش و خێزانەکانیان دواین گوندی ژێر دەسەڵاتی داعش لەرۆژهەڵاتی سوریا چۆڵدەکەن.

بەپێی زانیارییەکانی تۆڕی هەواڵی بی بی سی لە ئێستادا چەکدارانی داعش خۆیان و ژن و منداڵ و خێزانەکانیان دواین گوند و ناوچەی ژێردەستیان چۆڵدەکەن و بەرەو گوندەکانی دیکە هەڵدێن.
 بەشێک لەهەڵهاتوەکان بەسەختی برینداربون و خواردن و ئاو خزمەتگوزاریشیان لێبڕاوە

 

ئەوەش زانراوە بەهۆی هێرشی بەردەوامی هاوپەیمانانی ئەمەریکا و هێزەکانی سوریای دیموکرات کە کورد بەشی زۆرینەی پێکدەهێنێت بەشێک لەهەڵهاتوەکان بەسەختی برینداربون و خواردن و ئاو خزمەتگوزاریشیان لێبڕاوە.

چۆڵکردنی دواین ناوچەی ژێردەسەڵاتی داعش لەکاتێکدایە رۆژی سێشەممەی رابردو ئەمەریکا رایگەیاند، داعش تەنها 50 کیلۆمەتری لەخاکی سوریا بەدەستەوە ماوە و دۆناڵد ترەمپی سەرۆکیش ئاماژەی بەوەکرد لەم هەفتەیەدا داعش کۆتایی پێدێت و دواین ئاهەنگی سەرکەوتن بەو بۆنەیەوە دەگێڕن.

نیشانەکردن :

#داعش #هاوپه‌یمانان

Copyright © 2016 Xendan.org all rights reserved

designed and developed by AVESTA GROUP