سەنتەری میترۆ: نابێت كەس بە هۆی خۆپیشاندانەوە لە زینداندا بێت

- 2/7/2019 3:51:00 PM 2589 جار خوێندراوەتەوە

خەندان-

سەنتەری میترۆ بۆ داكۆكی لە مافی رۆژنامەنوسان رایدەگەیەنێت، ئەو چالاكوانانەی خۆپیشاندانیان دژی بونی سوپای توركیا لە خاكی هەرێمی كوردستانی عێراق ئەنجامداوە تاوانیان نەكردوە و ئەو رۆژنامەنوسانەی روماڵی چالاكییەكەیان كردوە ئەركی خۆیان جێبەجێكردوە، دەبێت هەمووان ئازاد بكرێن.

لە راگەیەندراوێکدا سەنتەری میترۆ بڵاویکردوەتەوە، هەندێ لەو دەستبەسەرانەی كە ئازادكراون باس لە مامەڵەی خراپ، سوكایەتی، تەنانەنەت زەبروزەنگ دەكەن لەكاتی لێكۆڵینەوە، سەرباری هەندێ پرسیار كە پەیوەندی بە بابەتی دەستگیركردنەكەیانەوە نەبوە.

دەبێت رۆژنامەنوسە دەستبەسەركراوەكان بە پێی یاسای كاری رۆژنامەنوسی ژمارە (35) ساڵی 2007 مامەڵەیان لەگەڵدا بكرێت

 

میترۆ داودا دەكات و دەڵێت، دەبێت رۆژنامەنوسە دەستبەسەركراوەكان بەپێی یاسای كاری رۆژنامەنوسی ژمارە (35) ساڵی 2007 مامەڵەیان لەگەڵدا بكرێت و چالاكوانەكانیش بە پێی یاسای خۆپیشاندان مامەڵەیان لەگەڵ بكرێت.

لەماوەی رابردودا لە قەزای شیلادزێی سەر بە پارێزگای دهۆک هاوڵاتیان خۆپیشاندانیان دژی بۆردومانکردنی ناوچەکانیان لەلایەن تورکیاوە ئەنجامدا، بەڵام دەزگا ئەمنییەکانی پارێزگای دهۆک نزیكەی 70چالاكوان و رۆژنامەنوس و هاوڵاتی مەدەنیان دەستگیرکرد، كە لەناویاندا 26 رۆژنامەنوس و میدیاكار دەستگیركراون.



Copyright © 2016 Xendan.org all rights reserved

designed and developed by AVESTA GROUP