لەم هەفتەیەدا پرۆژە یاسای بودجە دەنێردرێت بۆ سەرۆکایەتی کۆمار

- 2/2/2019 6:54:00 PM 16626 جار خوێندراوەتەوە

خەندان-

ئەندامێکی پەرلەمانی عێراق رایدەگەیەنێت، تا ئێستا بودجەی 2019 ی عێراق لە پەرلەمانە و رەنگە لەم هەفتەیەدا بنێردرێت بۆ سەرۆکایەتی کۆمار بۆ پەسەندکردنی.

شیروان میرزا، ئەندامی پەرلەمانی عێراق بە خەندان-ی راگەیاند، ئەگەر سەرۆککۆمار تێبینی لەسەر پرۆژە یاسای بودجە نەبێت ئیمزای دەکات، دواتر لە رۆژنامەی وەقائیعی عێراقدا بڵاودەکرێتەوە و دەچێتە بواری جێبەجێکردنەوە.

سەبارەت بە هۆکاری دواکەوتنی ناردنی پرۆژە یاساکەش بۆ سەرۆکایەتی کۆمار وتی، سەرۆکی پەرلەمانی عێراق لە دەرەوەی وڵاتە، دەبێت ئەو ئیمزای لەسەر بکات، دوای ئەوەش رەوانەی سەرۆککۆمار دەکرێت بۆ پەسەندکردنی.

رۆژی 23ی کانونی دووەم پرۆژە یاسای بودجە لە پەرلەمانی عێراق پەسەندکرا، لە پرۆژە یاساکەدا ماددەى 10ى لقی جیم کە تایبەت بو بە ناردنى موچەى فەرمانبەران و پێشمەرگە دەنگی لەسەردرا، بێئەوەی وابەستە بکرێت بە رێککەوتنی ناردنی ٢٥٠ هەزار بەرمیل نەوتی رۆژانە لە هەرێمەوە بۆ بەغداد.




Copyright © 2016 Xendan.org all rights reserved

designed and developed by AVESTA GROUP