بەپەلە

خشتەی ئەم هەفتەیەی دابەشکردنی موچەی فەرمانبەران

- 2/2/2019 9:07:00 AM 130398 جار خوێندراوەتەوە

خەندان-

ناوەڕاستی ئەم هەفتەیە دابەشکردنی موچەی مانگی 11ی ساڵی رابردوی فەرمانبەران دەستپێدەکات و بڕیارە موچەی چەند وەزارەت و دەستەیەک دابەشبکرێت.

بەپێی زانیاریەکانی خەندان، ئەم مانگەش هاوشێوەی مانگەکانی دیکەی ساڵی رابرد موچە بەسیستمی کۆن دابەشدەکرێت و یەکەم وەزارەتیش پێشمەرگە موچە وەردەگرێت.

بەپێی زانیارییەکان، رۆژی سێشەممە 5-2-2019 موچەی دیوانی وەزارەتی پێشمەرگە و لیواكان و رۆژی چوارشەممە 6-2-2019 موچەی یەكەكانی 70 و 80ی پێشمەرگە دابەش دەکرێت.

هەروەها رۆژی پێنجشەممە 7-2-2019 موچەی مانگی 11ی ساڵی رابردوی وەزارەتی پەروەردە دابەش دەکرێت.

ساڵی رابردوو وەزارەتی دارایی نۆ موچەی فەرمانبەرانی هەرێمی کوردستانی دابەشکرد، بەر لە کۆتایی هاتنی ساڵیش رێباز حەملان، وەزیری دارایی و ئابوری رایگەیاند، دابەشکردنی مووچەی مانگەکانی 10، 11 و 12 لە ساڵی 2019 دا دابەشدەکرێت.

وەزارەتی دارایی و ئابوری رایگەیاندوە، بۆ دابەشکردنی موچە پشتدەبەستێت بە 317 ملیار دینار کە مانگانە لە بەغداوە دەگاتە هەرێم لەگەڵ ئەو پارەیەی کە لە داهاتی فرۆشی نەوت دەستی دەکەوێت کە زیاتر لە 378 ملیۆن دۆلارە.

نیشانەکردن :

#موچه‌

Copyright © 2016 Xendan.org all rights reserved

designed and developed by AVESTA GROUP