هەواڵی ئەمڕۆ

"به‌غداد پاره‌ى بۆ مانگى یه‌كى 2019 نه‌ناردوه‌"
وه‌زاره‌تى دارایی ده‌ستبه‌دابه‌شكردنى موچه‌ى مانگى11ى ساڵى ڕابردو ده‌كات

- 1/24/2019 10:14:00 PM 150311 جار خوێندراوەتەوە
دیمەنێک لەوەرگرتنی موچە

خه‌ندان- ئه‌حمه‌د مسته‌فا

سه‌رچاوه‌یه‌ك له‌ وه‌زارتى دارایی ڕایگه‌یاند، رۆژى 5ى شوباتى 2019 ده‌ستده‌كرێت به‌دابه‌شكردنى موچه‌ و ڕه‌تیشیده‌كاته‌وه‌ به‌غدا بڕى 454 ملیار دینارى بۆ مانگى یه‌كى 2019 ناردبێته‌ هه‌رێم.

سه‌رچاوه‌یه‌ك له‌ وه‌زاره‌تى دارایی و ئابورى حكومه‌تى هه‌رێمى كوردستان به‌ خه‌ندان-ى وت،  ڕۆژى 5ى شوبات وه‌زاره‌تى دارایی ده‌ستده‌كات به‌دابه‌شكردنى موچه‌ى مانگى (تشرینى دوه‌مى/11)ى ساڵی 2018 و له‌ده‌ستپێكیشدا مووچه‌ی دیوانی وه‌زاره‌تی پێشمه‌رگه‌ و لیواكان دابه‌شده‌كرێت.

وتیشى، له‌ رۆژى 6ى شوباتى 2019 ، گه‌نجینه‌ و لیژنه‌كانى وه‌زاره‌ت مووچه‌ی هه‌ریه‌ك له‌یه‌كه‌كانی 70 و 80ی‌ پێشمه‌رگه‌ دابه‌شده‌كه‌ن.

سه‌رچاوه‌كه‌ى وه‌زاره‌تى دارایی راشیگه‌یاند، له‌پاش وه‌زاره‌تى پێشمه‌رگه‌ مووچه‌ى هه‌ریه‌ك له‌وه‌زاره‌ته‌كانى په‌روه‌رده‌ و ته‌ندروستى دابه‌شده‌كرێت.

ئه‌و سه‌رچاوه‌یه‌ى خه‌ندان ئاماژه‌ى بۆئه‌وه‌شكرد، ئه‌و هه‌واڵانه‌ى له‌سه‌ر ناردنى بڕى 454 ملیار دینار وه‌ك پشكى هه‌رێم بۆ مانگى 1ى ساڵى 2019 بڵاوكراونه‌ته‌وه‌ ڕه‌تده‌كه‌ینه‌وه‌، و وه‌زاره‌تى دارایی عێراق تائێستاش مانگانه‌ ته‌نها بڕه‌ جێگیره‌كه‌ ده‌نێرێت كه‌ 317 ملیار دیناره‌.

ساڵی رابردوو وەزارەتی دارایی نۆ مووچەی فەرمانبەرانی هەرێمی کوردستانی دابەشکرد، بەر لە کۆتایی هاتنی ساڵیش رێباز حەملان، وەزیری دارایی و ئابوری رایگەیاند، دابەشکردنی مووچەی مانگەکانی 10، 11 و 12 لە ساڵی 2019 دا دابەشدەکرێت.

وەزارەتی دارایی و ئابوری رایگەیاندووە، بۆ دابەشکردنی مووچە پشتدەبەستێت بە 317 ملیار دینار کە مانگانە لە بەغداوە دەگاتە هەرێم لەگەڵ ئەو پارەیەی کە لە داهاتی فرۆشی نەوت دەستی دەکەوێت کە زیاتر لە 378 ملیۆن دۆلارە.



Copyright © 2016 Xendan.org all rights reserved

designed and developed by AVESTA GROUP