هەواڵی ئەمڕۆ

پارتى بەربەست لەبەردەم دەنگدان بە وەزیرى داد دروست دەکات

- 1/23/2019 8:22:00 PM 16530 جار خوێندراوەتەوە

خەندان-

سەرچاوەیەک لە پەرلەمانى عێراق بە خەندانى راگەیاند: پارتى دیموکراتى کوردستان کەوتۆتە دروستکردنى بەربەست لەبەردەم دەنگدان بە کاندیدى وەزیرى داد و دەیەوێت کێشە دروست بکات.

پارتی هانی لایەنە سیاسییەکان دەدات بەشداری دانیشتنەکە نەکەن

بە وتەى ئەو سەرچاوەیە کەناوى لاى خەندان پارێزراوەو بەمەرجى ناونەهێنانى قسەى کرد وتى: "وەزیرێکى پارتى و چەند بەڕێوەبەرێکى گشتى بەشێوەیەکى نایاسایی چونەتە بەردەم هۆڵى پەرلەمانى عێراق و هانى پەرلەمانتارانى لایەنە سیاسییەکان دەدەن کە بەشدارى دانیشتنى پەرلەمان نەکەن".

داوا لە پەرلەمانتاران دەکەن بە نەخێر دەنگ بدەن بە کاندیدى وەزارەتى داد

سەرچاوەکەى خەندان ئەوەشى ئاشکرا کرد، دواى ئەوەى نەیانتوانى کێشە لەبەردەم رێژەى یاسایی پەرلەمانتاران دروست بکەن بۆ دانیشتنەکە، لەئێستادا ئەندامانى پەرلەمانى پارتى لەناو هۆڵى پەرلەمان هانى پەلەمانتاران دەدەن بە نەخێر دەنگ بدرێت بە کاندیدى وەزارەتى داد.

 

 



Copyright © 2016 Xendan.org all rights reserved

designed and developed by AVESTA GROUP