ئەردۆغان بۆ ترەمپ: هەرئێستا ئامادەین دۆخى ئەمنى مەنبج وەربگرین

- 1/20/2019 11:51:00 PM 9565 جار خوێندراوەتەوە

خەندان-

لە پەیوەندییەکى تەلەفۆنیدا دۆنالد ترەمپ و رەجەب تەیب ئەردۆغان گفتوگۆ لەسەر دۆخى سوریا دەکەن.

ئاژانسى هەواڵى ئەنادۆڵۆ بڵاویکردەوە کە دۆنالد ترەمپ سەرۆکى ئەمریکا و رەجەب تەیب ئەردۆغان سەرۆکى تورکیا پەیوەندییەکى تەلەفۆنیان ئەنجامداوەو تیایدا دۆخى سوریایان تاووتوێکردووە.

لەو پەیوەندییە تەلەفۆنیەدا ئەردۆغان بە سەرۆکى ئەمریکاى راگەیاندووە کە تورکیا هەر ئێستا ئامادەیە دۆخى ئەمنى مەنبج وەربگرێت بەبێ دواکەوتن.

لاى خۆشیەوە ترەمپ رایگەیاندووە کە تەقینەوەکەى چەند رۆژى رابردووى مەنبج هیچ کاریگەرییەک لەسەر بڕیارى کشانەوەى هێزەکانى ئەمریکا لە سوریا دروست ناکات.

هەر لەو پەیوەندییەدا هەردوولا رێککەوتون لەسەر پاککردنەوەى تەواوى سوریا لە رێکخراوى تیرۆریستى داعش.

ئەمە دووەمین پەیوەندى تەلەفۆنییە لە ساڵى ٢٠١٩ لە نێوان ئەردۆغان و ترەمپ لەسەر رەوشى سوریا، ئەوەش دواى ئەو تەقینەوەى هەفتەى رابردوى مەنبج دێت کە تیایدا ژمارەیەک سەربازى ئەمریکى کوژران و برینداربوون.

 



Copyright © 2016 Xendan.org all rights reserved

designed and developed by AVESTA GROUP