فەرەنسا: ترەمپ درکی بەگرنگی پاراستنی هاوپەیمانە کوردەکانی کردوە

- 1/20/2019 7:16:00 PM 6658 جار خوێندراوەتەوە

خەندان-

ئەمڕۆ یەک شەممە ٢٠/١/٢٠١٩ فلۆرێنس پارلی وەزیری بەرگری فەرەنسا لەبەرنامەیەکی تەلەفزیۆنیدا رایگەیاند، ئەمەریکا زیاتر گرنگی پاراستنی هاوپەیمانە کوردەکانی بۆ دەردەکەوێت تەنانەت پاش کشانەوەی لەسوریاش.

مانگی رابردوو دۆناڵد ترەمپی سەرۆکی ئەمەریکا بڕیاری کشانەوەی سوپاکەی لەسوریادا کە ژمارەیان ٢٠٠٠ سەربازە، ئەوەش ترس و دودڵی لای هاوپەیمانەکانی و کورد بەتایبەتی دروستکرد.

وەزیری بەرگری فەرەنسا راشیگەیاند، پرسی پاراستنی کوردەکان زیاتر دەخرێتە بەرباس و گفتوگۆ لەئەمەریکادا لەبەرئەوەی باشترین هاوپەیمانی ئەمەریکا بون لەناوچەکە و لەشەڕی داعشیشدا. 

پاش بڕیاری کشانەوەی ئەمەریکا بەرپرسانی کورد کە زۆربەی ناوچەکانی باکوری سوریایان کۆنترۆڵکردووە داوایان لەروسیا و دیمەشق کرد کە باکوری سوریا لەمەترسی هێرشەکانی تورکیا بپارێزن.


Copyright © 2016 Xendan.org all rights reserved

designed and developed by AVESTA GROUP