ئەردۆغان : شەڕى تورکیا لەناو خاکى سوریا بەردەوام دەبێت

- 1/20/2019 5:33:00 PM 5226 جار خوێندراوەتەوە

خەندان-

دواى تەقینەوەکەى ئەمڕۆى عەفرین، رەجەب تەیب ئەرۆدغان سەرۆککۆمارى تورکیا رایگەیاند: شەڕى تورکیا و سوپاى سوریاى ئازاد لە عەفرین و شارەکانى دیکەى سوریا بەردەوام دەبێت.

بەیانی ئەمڕۆ دوو تەقینەوەى بەهێز لە عەفرینی رۆژئاڤا رویداو لە ئەنجامدا  دوو کەس گیانیان لەدەستدا و 12 کەسی دیکەش برینداربوون.

ئەردۆغان کە لەئێستادا سوپاى وڵاتەکەى لەگەڵ سوپاى ئازادى سوریا کۆنتڕۆڵى شارى عەفرینیان کردووە، لە لێدوانێکدا رایگەیاند: شەڕى ئێمە لە عەفرین و تەرابلوس و ئەلباب بەردەوامى دەبێت.

وتیشى : هەرگیز ئەو تەقینەوانەى ئەمڕۆى عەفرین لەیاد ناکەین و لەگەڵ سوپاى سوریاى ئازاد بەردەوام دەبین لە خەبات.

ئەم وتانەى ئەردۆغان لە پەیوەندییەکى تەلەفۆنیدا بووە لەگەڵ خلوسى ئاکار وەزیرى بەرگرى تورکیا کە کە ئەمڕۆ بەبۆنەى ساڵیادى ئۆپراسیۆنە سەربازییەکەى تورکیا بۆ سەر عەفرین کە بەچڵە زەیتون ناسراوە ئەنجامى داوە. 



Copyright © 2016 Xendan.org all rights reserved

designed and developed by AVESTA GROUP