لەرووداوێکى هاتوچۆدا هونەرمەندێکى ناسراو گیانى لەدەستداو خێزانەکەى بەسەختى برینداربوو

- 1/14/2019 10:29:00 PM 48890 جار خوێندراوەتەوە

خەندان-

ئێوارەى ئەمڕۆ لە رووداوێكی هاتووچۆدا لە سنوورى حاجى ئۆمەرانى سەر بە قەزاى سۆران، هونەرمەند تەڵعەت سامان گیانى لەدەستداو خێزانەکەشى بە سەختى برینداربوو.

سەرچاوەیەکى ئاگادار لە رووداوەکە بە خەندان-ى راگەیاند: ئێوارەى ئەمڕۆ بەهۆى رووداوێکى هاتوچۆوە لە سنوورى حاجى ئۆمەران سەر بە قەزاى سۆران، هونەرمەندى بوارى شانۆ تەڵعەت سامان گیانى لەدەستداو خێزانەکەشى بە سەختى برینداربوو.

تەڵعەت سامان لە ساڵی 1945 لە هەولێر لەدایکبووە و ساڵی 1991 بووەتە سەرۆكی یەكێتی هونەرمەندانی كوردستان، هەروەها سەرۆكی هونەر و وێژەیی كورد بووە، لە ساڵی 1992 گرووپی شانۆی سامان-ی دامەزراندووە، خاوەنی چەندین بەرهەمی ناوازەی هونەری شانۆ و درامایە کە دیارترینیان بەرهەمەکانى "شاری ئەوین، مەم و زین، حەمەدۆك، قەڵای دم دم، خانزادێكی تر، ئەفسانەی چیای ئاگری، نەفرەتلێكراو"، ئەمڕۆ 14-1-2019 لە تەمەنی 74 ساڵیدا بە رووداوی هاتووچۆ گیانی لەدەستدا.


Copyright © 2016 Xendan.org all rights reserved

designed and developed by AVESTA GROUP