نرخی نەوتی خاو لە بازاڕەکانی جیهان دابەزی

- 1/12/2019 8:51:00 AM 2288 جار خوێندراوەتەوە

خەندان- شادان عەلی 

نرخی نەوتی خاو لە بازاڕەکانی جیهان بە ڕێژەی لە سەدا 2 دابەزینی بەخۆوە بینی، ئەوەش هاوکاتە لەگەڵ نیگەرانییەكانی وەبەرهێنەران سەبارەت بە خاوبوونەوەی گەشەی ئابوری جیهانی.

بەپێی ئاژانسی هەواڵی ڕۆیتەرز، نرخی نەوتی خاوی برێنت 1.2 دۆلار دابەزیوە،  كە دەكاتە ڕێژەی لەسەدا 1.95 و نرخەكەی دەكاتە 60.48 دۆلار بۆ هەر بەرمیلێك.

هەروەها نرخی نەوتی خاوی ڕۆژئاوای تەكساسی ئەمەریكی یەک دۆلار دابەزیوە كە دەكاتە ڕێژەی لە سەدا 1.9 و نرخەكەی دەكاتە 51.59 دۆلار بۆ هەر بەرمیلێك.

ئەو دابەزینە لەکاتێکدایە کە هەردوو نەوتی برێنت و تەکساسی ئەمەریکا بۆ دووەمین هەفتە لەسەر یەک قازانجیان کردووە بەهۆی زیادبوونی فرۆش و زۆربوونی خواست لەسەریان.

نیشانەکردن :

# نەوت

Copyright © 2016 Xendan.org all rights reserved

designed and developed by AVESTA GROUP