هاوڵاتییەک بە فیشەک کۆتایی بە ژیانی خۆی هێنا

- 1/11/2019 5:23:00 PM 22050 جار خوێندراوەتەوە


خەندان-

پۆلیسی گەرمیان رایگەیاند، ئێوارەی ئەمڕۆ تەرمی هاوڵاتییەک هێندرایە پزیشکی دادوەری قەزای کەلار کە بەهۆی بەرکەوتنی فیشەکەوە گیانیلەدەستدابوو.

عەلی جەمال قدووری، وتەبێژی پۆلیسی گەرمیان رایگەیاند، ئێوارەی ئەمڕۆ هەینی تەرمی هاوڵاتیەک بەناوی (ح، ح، ع) لەدایکبووی 1968و هێندرایە پزیشکی دادوەری قەزای کەلار کە بەهۆی بەرکەوتنی فیشەکەوە گیانیلەدەستدا بوو.

عەلی جەمال قدووری وتیشی، ئەو هاوڵاتییە دانیشتووی ناحییەی قەرەتەپەیە و خانەنشينی سەربازییە بە وتەی کەسوکارەکەی "ئێوارەی ئەمڕۆ بەچەکی کڵاشکۆف فیشەکی بەخۆیەوە ناوەو لەئەنجامدا گیانیلەدەستداوە".

 

نیشانەکردن :

#كوشتن #كه‌لار

Copyright © 2016 Xendan.org all rights reserved

designed and developed by AVESTA GROUP