بەپەلە

وەزیرى بەرگرى تورکیا: تیرۆریستان لەو چاڵانەى هەڵیانکەندووە دەنێژین

- 1/11/2019 12:29:00 PM 5518 جار خوێندراوەتەوە

خەندان-

لەسەردانێکدا بۆ سەر سنوورى تورکیا - سوریا، وەزیرى بەرگرى تورکیا رایگەیاند، ئامادەکارییەکانیان بۆ هێرشکردنە سەر مەنبج و رۆژهەڵاتى فورات بەردەوامە.

خلوسى ئاکار وه‌زیری به‌رگری توركیا، لەسەردانێکیدا بۆ سەربازگەکانى وڵاتەکەى لە سنوورى سوریا رایگەیاندووە، "پلانى پێویستمان داناوە و ئامادەکارییەکانمان بەردەوامن بۆ هێرشکردنە سەر مەنبج و رۆژهەڵاتى فورات هاوشێوەى ئەو ئۆپراسیۆنانەى لە ماوەى رابردوو ئەنجامانداو لەوێ تیرۆریستان کە مەبەست لێى یەکینەکانى پاراستنى گەل (یەپەگە) یە لەو چاڵانە دەنێژن کە لەو ناوچانە هەڵیانکەندوون".

وەزیرى بەرگرى تورکیا ناراستەوخۆ هێرشى کردە سەر ئەمریکا لەبەرامبەر ئەو لێدوانانەى بەرپرسانى واشنتن رایانگەیاندبوو،" کە تا دڵنیا نەبین لە پارێزگارى کوردە هاوبەشەکانمان لە شەڕى داعش لە سوریا ناکشێینەوە و رایگەیاند، هەر کەسێک کە عەقڵى هەبێت دەزانێت لەگەڵ برا کوردەکان هیچ کێشەیەکمان نییە و وەکو گۆشت تێکەڵاوى یەکتر بووین.


Copyright © 2016 Xendan.org all rights reserved

designed and developed by AVESTA GROUP