وەزیری دەرەوەی ئێران: وڵاتانی ئەوروپا لە کاتی تاوانەکانی بەعسدا دژ بە کورد پشتیوانی سەدام حسێن بوون

- 1/9/2019 1:06:00 PM 5352 جار خوێندراوەتەوە
محەمەد جەواد زەریف

خەندان-

وەزیری دەرەوەی ئێران رایگەیاند، وڵاتانی ھۆڵەندا و دانیمارك و فەڕەنسا ئەندامانی موجاھیدینی خەلق  حەشار دەدەن كە 12 ھەزار كەسیان لە ئێران كوشتووە، دەشڵێت، لە کاتی تاوانەکانی  بەعسدا دژ بە کورد پشتیوانی سەدام حسێن بوون.

محەمەد جەواد زەریف، وەزیری دەرەوەی ئێران لە تویتێکدا لە هەژماری تایبەتی خۆی لە تۆڕۆ کۆمەڵایەتی تویتەر نوسیوویەتی، "وڵاتانی ئەوروپا لە کاتی تاوانەکانی رژێمی بەعسی عێراق دژ بە کورد پشتیوانیان لە سەدام حوسێن کردووە".

ئەو وتانەی محەمەد جەواد زەریف دوای هات کە دوێنێ سێشەممە یەكێتی ئەوروپا بە پاساوی ھەوڵدان بۆ تێكدانی ئاسایشی ئەوروپا گەمارۆی بەسەر چەند ناوەندێکی دەزگای ئیتڵاعاتی ئێراندا سەپاند.

ئاماژەی بەوەشكردووە، "تۆمەت لێدان لە ئێران بەرپرسیارییەتی شاردنەوەی تیرۆرستان لەلایەن ئەوروپییەكان ناشارێتەوە، وڵاتانی ھۆڵەندا، دانیمارك و فەڕەنسا ئەندامانی موجاھیدینی خەلق  حەشار دەدەن كە 12 ھەزار كەسیان لە ئێران كوشتووە".


نیشانەکردن :

#ئێران #ئه‌وروپا

Copyright © 2016 Xendan.org all rights reserved

designed and developed by AVESTA GROUP