ئەمڕۆ ده‌ست به‌ دابه‌شكردنى مووچه‌ ده‌كرێت

- 1/6/2019 8:18:00 AM 38125 جار خوێندراوەتەوە

خەندان-

بڕیارەی ئەمڕۆ یەکشەممە ده‌ست به‌ دابه‌شكردنى مووچه‌ى مانگى 10ى ساڵی رابردووی فه‌رمانبه‌رانى هه‌رێمى كوردستان بکرێت.

سه‌رچاوه‌یه‌ك له‌ وه‌زاره‌تى دارایی حكومه‌تى هه‌رێمى كوردستان به‌ خه‌ندان-ى راگه‌یاند، ئەمڕۆ یەکشەممە مووچه‌ى مانگى 10ى ساڵى 2018 دابه‌شده‌كرێت و وه‌زاره‌تى پێشمه‌رگه‌ش یه‌كه‌م وه‌زاره‌ت ده‌بێت و سه‌ره‌تا دیوان و لیوا هاوبه‌شه‌كان مووچه‌ وه‌رده‌گرن، دواتریش یه‌كه‌كانى 70 و 80  مووچه‌ وه‌رده‌گرن.

ئاماژەی بەوەشکرد، له‌ دوای ته‌واوكردنى مووچه‌ى وه‌زاره‌تى پێشمه‌رگه‌، ده‌ست به‌دابه‌شكردنى مووچه‌ى وه‌زاره‌تى په‌روه‌رده‌ ده‌كرێـت و تا پێش كوتایی مانگى یه‌كى ساڵی 2019، مووچه‌ى مانگى 10ى ساڵێ 2018ى سه‌رجه‌م وه‌زاره‌ته‌كان دابەشدەکرێت.

پێشتر رێباز حەملان، وەزیری دارایی و ئابووری رایگەیاندبوو، دابەشکردنی مووچەی سێ مانگی کۆتایی ساڵی 2018 بەردەوام دەبێت و لەسەرەتای ساڵی 2019 دا دەست بە دابەشکردنی مووچەی مانگی 10ی فەرمانبەران دەکرێت.

وەزارەتی دارایی و ئابووری حکومەتی هەرێمی کوردستان بۆ دابەشکردنی مووچە پشتدەبەستێت بە 317 ملیار دینار کە مانگانە لە بەغداوە دەگاتە هەرێم لەگەڵ  ئەو پارەیەی کە لە داهاتی فرۆشی نەوت دەستی دەکەوێت.

نیشانەکردن :

#موچه‌

Copyright © 2016 Xendan.org all rights reserved

designed and developed by AVESTA GROUP