لە رووداوێکی هاتووچۆدا هاوڵاتیەک گیانیلەدەستدا

- 1/4/2019 6:04:00 PM 20489 جار خوێندراوەتەوە

خەندان-

کاتژمێر ٣:٠٠ی ئێوارەی ئەمڕۆ لە رووداوێکی هاتووچۆدا لە مێرگەسوور هاوڵاتییەک گیانیلەدەستدا و یەکێکی دیکەش برینداربوو.

رائید سەعدون هاودیانی، وتەبێژی بەڕێوەبەرایەتی پۆلیسی سۆران بە خەندان-ی راگەیاند، "ئەمڕۆ  كاتژمێر ٣:٠٠ ریكه‌وتی ٤/١/٢٠١٨ له‌ لایه‌ن پۆلیسی مێرگه‌سوور ئاگاداركراینه‌وه‌ به‌ بوونی رووداوێكی هاتووچۆ له‌ شارۆچكه‌ی مه‌زنەی سه‌ر به‌ قه‌زای مێرگه‌سوور کە هاوڵاتییەک گیانیله‌ده‌ستداوە و یەکێکی دیکەش برینداربووە کە هاوسەری یەکترن.

ئەو هاوڵاتییەی گیانیلەدەستداوە ناوی  (ر، ل) له‌ دایكبووی ساڵی ١٩٩٦ پیشه‌ی ژنی ماڵەوەیە، ئەوەی دیکەش کە بریندار بووە ناوی (د، س ) بارودۆخی تەندروستی خراپە و رەوانەی نەخۆشخانەی فریاکەوتنی رۆژئاوا کراوە لە هەولێر بۆ چارەسەر.

 شۆفێری ئۆتۆمبێلەکە ناوی (ا،ی )، پیشه‌ی كاسبە له‌ دایكبووی ساڵی ١٩٩٩بە پێی بڕیاری دادوەر بەندکراوە و بە پێی مادده‌ی ٢٤ رێكاری پێویستی لەگەڵدا گیراوەتە بەر.


نیشانەکردن :

#رووداوی هاتوچۆ

Copyright © 2016 Xendan.org all rights reserved

designed and developed by AVESTA GROUP