ڤیدیۆ؛ مەراسیمی پێشوازیکردن لە سەرۆک بەرهەم ساڵح لە کۆشکی سەرۆکایەتی تورکیا

- 1/3/2019 11:30:00 AM 34483 جار خوێندراوەتەوە

خەندان-

مەراسیمی پێشوازیکردن لە سەرۆک بەرهەم ساڵح لەلایەن رەجەی تەیب ئەردۆغان، سەرۆک کۆماری تورکیا بەڕێوەدەچێت.

دوای ئەوەی بەیانی ئەمڕۆ د. بەرهەم ساڵح، سەرۆک کۆماری عێراق بە سەرۆکایەتی شاندێکی باڵای حکومەتی عێراق گەیشتە ئەنقەرەی پایتەخت، لە کۆشکی سەرۆکایەتی تورکیا لەلایەن رەجەب تەیب ئەردۆغان، سەرۆکی ئەو وڵاتەوە مەراسیمی پێشوازیکردنی بۆ ئەنجامدرا.

هاوکات شاندی باڵای عێراق و تورکیا بە هەردوو سەرۆک ناسێندران و دواتر هەردوو سەرۆک بەرهەم و ئەردۆغان بەرەو ژووری کۆبوونەوەکانی بەڕێکەوتن.

فڕۆکەکەی سەرۆک بەرهەم ساڵح کاتژمێر 10:30 خولەکی بەیانی ئەمڕۆ پێنجشەممە لە فڕۆکەخانەی ئه‌سه‌نبۆغا لە ئەنەنقەرەی پایتەختی کۆماری تورکیا نیشتەوە.

ئەوە یەکەمین سەردانی سەرۆک بەرهەم ساڵح-ە بۆ تورکیا دوای ئەوەی مانگی 10ی ساڵی 2018 بە دەنگی 219 پەرلەمانتار بە سەرۆک کۆماری عێراق هەڵبژێردرا.

ئەو سەردانەی د.بەرهەم ساڵح بۆ تورکیا دوای ئەوە دێت کە 13ی مانگی 12ی ساڵی رابردوو فاتیح یەڵدز، باڵیۆزی تورکیا لە عێراق نامەیەکی  ڕەجەب تەیب ئەردۆغان، سەرۆک کۆماری تورکیای پێگەیاند و تیایدا بانگهێشتی کرد کەسەردانی تورکیا بکات.



Copyright © 2016 Xendan.org all rights reserved

designed and developed by AVESTA GROUP