بەپەلە

مێرکل داوا لە ئەردۆغان دەکات بەرپرسیارانە هەڵسوکەوت بکات

- 12/30/2018 7:39:00 PM 4328 جار خوێندراوەتەوە

خەندان-

لە پەیوەندییەکى تەلەفۆنیدا ئەنگیلا مێرکل راوێژکارى ئەڵمانیا داوا لە رەجەب تەیب ئەردۆغان سەرۆککۆمارى تورکیا دەکات بەرپرسیارانە هەڵسوکەوت بکەن.

بە گوێرەی ئاژانسی ئاسۆشێتێدپرێس، لەو پەیوەندییە تەلەفۆنییەى نێوان مێرکل و ئەردۆغان، ئەڵمانیا داواى لە تورکیا کردووە لەسەر رەوشى سوریا بەرپرسیارانە هەڵسوکەوت بکات.

بەرپرسانى باڵاى تورکیا هەمیشە لێدوانى توند دەدەن لەسەر رەوشى سوریا و بەردەوام ئەنجامدانى ئۆپەراسیۆن دژى هێزە کوردییەکانى رۆژاڤا بۆتە بابەتى سەر زارى هەڕەشەکانیان.

لەو پەیوەندییەدا هەردوولا لەسەر کۆتاییهێنان بە شەڕ لە سوریاو گرنگی ڕەوتی سیاسی بە پێشەنگی نەتەوەیەکگرتووەکان کردۆتەوە، مێرکل رایگەیاندووە، گروپى تیرۆریستى داعش پاشەکشەى بەرچاویان کردووە بەڵام وەک "مەترسییەکى دیار" هەر دەمێنێتەوە.

داواشى کردووە، کە تورکیا لە دواى بڕیارى کشانەوەى هێزەکانى ئەمریکا لە سوریا شەێوەیەکى دانبەخۆداگرتن و بەرپرسیارانە مامەڵە بکات.


Copyright © 2016 Xendan.org all rights reserved

designed and developed by AVESTA GROUP