بەپەلە

لەرووداوێکى هاتوچۆدا چوار کەس بوونە قوربانى

- 12/28/2018 2:11:00 PM 16645 جار خوێندراوەتەوە

خەندان-

نیوەڕۆى ئەمڕۆ بەهۆى رووداوێکى هاتوچۆوە لە قەزاى چۆمان، دوو کەس گیانیانلەدەستدا و دوان-ی دیکەش برینداربوون.

رائید سەعدون هاودیانی، وته‌بیژی به‌ڕێوه‌به‌رایه‌تی پۆلیسی سۆران بە خەندان-ی راگەیاند، بە هۆی پێکدادانی دوو ئۆتۆمبێل له‌ جۆری كیا سیراتو و ترێلەیەکی بارهەڵگر لە شارۆچكه‌ی حاجی ئۆمه‌ران سه‌ر به‌ قه‌زای چۆمان دوو هاوڵاتی گیانیانله‌ده‌ستدا.

ئەو دوو هاوڵاتییەی گیانیانلەدەستداوە یەکێکیان ناوی ( ت،ع،ع ) له‌ دایكبووی ساڵی ١٩٨٣ خەڵکی عێراقیه، هاوڵاتییەکەی دیکەش به‌ناوی ( م، م،ر) له‌ دایكبووی ساڵی ١٩٧٨ و خەڵکی ئێرانە.

پۆلیس وتیشی، لە رووداوەکەدا دوو هاوڵاتی دیکەش برینداربوون و ته‌رمه‌كانیش رەوانەی پزیشکی دادوەری کراون، شۆفێری بارهەڵگرە ئێرانییەکەش به‌ بڕیاری دادوه‌ر ده‌ستبه‌سه‌ره‌ له‌ پۆلیسی سۆران.

 


نیشانەکردن :

#رووداوی هاتوچۆ #چۆمان

Copyright © 2016 Xendan.org all rights reserved

designed and developed by AVESTA GROUP