بەپەلە

پاول پیلار: ترەمپ کوردەکانی سوریای بە کەیسی خاشقچی گۆڕییەوە

- 12/26/2018 9:18:00 PM 19095 جار خوێندراوەتەوە

خەندان-ئاکام محەمەد

پاول پیلار، پرۆفیسۆر و شیکەرەوەی پێشوی دەزگای هەواڵگری (CIA) دەڵێت" یەکێک لە ئەگەرەکانی کشانەوەی ئەمەریکا لە سوریا بۆ بێدەگنبوونی تورکیا بوو لە کەیسی خاشقچی".

"ترەمپ بۆ ئەوە هێزەکانی لە سوریا کشاندەوە تا ئەردۆغان رازی بکات و چیتر بە بەدواداچون بۆ کەیسی جەمال خاشقچی هەرەشە لە سعودیە و ئەمەریکای دۆستی نەکات" پیلار وای وت.

هەروەها ئاماژەشی بەوەدا، سەرەرای ناکۆکیەکانی تورکیا لەگەڵ رژێمی ئەسەد، بەڵام تورکیا رێککەوتنی لەگەڵ رژێمی سوریا پێ باشترە لە "سەرگرتنی جوڵانەوەیەک بۆ سەربەخۆیی کوردان لە سوریا".

19ی ئەم مانگە، دۆناڵد ترەمپ، سەرۆکی ویلایەتە یەکگرتووەکانی ئەمەریکا بڵاویکردەوە، هێزەکانیان لە سوریا دەستیان بەکشانەوە كردووە و هەموو هێزەکانیان بە تەواوەتی سوریا بە جێدەهڵێن، ئەوەش نیگەرانی هێزە کوردییەکانی سوریا لێکەوتەوە.

ره‌جه‌ب ته‌یب ئه‌ردۆغان، سه‌رۆک كۆماری توركیا له‌باره‌ی كشانه‌وه‌ی هێزەکانی ئەمەریکا لە سووریا رایگەیاند، "واشنتۆن ئه‌ركی سه‌رشانی خۆی جێبه‌جێكردووە".


Copyright © 2016 Xendan.org all rights reserved

designed and developed by AVESTA GROUP