ترەمپ: من ئێستا تەواو بە تەنهام، منی داماو
"سعودیە رازی بووە بەوەی پارە بۆ بونیاتنانەوەی سوریا خەرج بکات"

- 12/24/2018 8:47:00 PM 50016 جار خوێندراوەتەوە

خەندان-ئاکام محەمەد

کەمێک لەمەو پێش، دۆناڵد ترەمپ چەند تویتێکی نوێی لە پێگەی فەرمی خۆی لە تویتەردا بڵاو کردووەتەوە و نوسیویەتی" من  ئێستا تەواو تەنهام، منی داماو، لە تویتێک دیکەدا رایگەیاندووە سعودیە ئامادەیە پارە لە سوریا خەرج بکات.

"من ئێستا تەواو بەتەنهام(منی داماو) چاوەڕێی دیموکراتەکان دەکەم تا بگەڕێنەوە بۆ کۆشکی سپی و لەسەر ئاسایشی خاڵە سنورییەکان رێکبکەوین".

ئاماژەشی بەوە داوە دیموکراتەکان ئامادەن رێککەوتنێک بکەن کە خەرجی زیاتری تێدەچێت لەو دیوارەی لە نێوان ئەمەریکا و مەکسیکدا دروستی کردووە.

ترەمپ لە تویتێکی دیکەیدا نوسیویەتی" سعودیە رازی بووە بەوەی پارە بۆ بونیاتنانەوەی سوریا خەرج بکات، لە جیاتی ئەمەریکا".

سەرۆکی ولایەتە یەکگرتووەکانی ئەمەریکا ئەو دەستپێشخەرییەی سعودیەی گرێ داوەتەوە بە بڕیاری کشانەوەی ئەمەریکا لە سوریا و بە دەستکەوتی خۆی ئاماژەی پێداوە، " دەبینن، باشە ئەوە شتێکی نایاب نیە کە وڵاتێکی لە ڕادەبەدەر دەوڵەمەند یارمەتی دراوسێیەکی خۆی دەدات، لە جیاتی وڵاتێکی گەورەی وەک ئەمەریکا کە پێنج هەزار میل لێوەی دوورە، سوپاس سعودیە".



Copyright © 2016 Xendan.org all rights reserved

designed and developed by AVESTA GROUP