دۆناڵد تره‌مپ: برێت مه‌كگۆرك ناناسم

- 12/23/2018 8:54:00 AM 31044 جار خوێندراوەتەوە

خەندان-

دۆناڵد تره‌مپ، سه‌رۆكی ویلایەتە یەکگرتووەکانی ئه‌مه‌ریكا رایگەیاند، ئەو برێت مەکگۆرک ناناسێت و لەلایەن باراک ئۆباما، سەرۆکی پێشووی ئەمەریکاوە دیاریکراوە.

دۆناڵد تره‌مپ، سه‌رۆكی ویلایەتە یەکگرتووەکانی ئه‌مه‌ریكا لە تویتێکدا نوسیوویەتی، "برێت مه‌كگۆرك، كه‌ من نایناسم، له‌لایه‌ن باراک ئۆباماوه‌ له‌ ساڵی 2015 دا ده‌ستنیشان كراوه‌، ده‌بوایه‌ له‌ مانگی شوبات پۆسته‌كه‌ی جێبهێڵێت".

هەروەها نوسیوویەتی، "پێش جێهێشتنی پۆسته‌كه‌ی مه‌كگۆرك ده‌ستی له‌كار كێشایه‌وه‌، ته‌نها هه‌واڵی هه‌ڵبه‌ستراوه‌ پرسه‌كه‌یان گه‌وره‌كردووه‌ كه‌ له‌ بنه‌ڕه‌تدا شتێكی گرنگ نییه‌".


شەوی رابردوو هەواڵی دەستەکارکێشانەوەی برێت مه‌كگۆرك، نوێنەری سەرۆکی ئەمەریکا بۆ شەڕی دژی داعش بڵاوکرایەوە، کە رۆژی هەینی رابردوو نامەی دەست لەکارکێشانەوەکەی پێشکەشکی بەرپرسانی کۆشکی سپی کردبوو.

دەستلەکارکێشانەوەی مەکگۆک هاوکات بوو لەگەڵ دەستلەکارکێشانەوەی جەیمس ماتیس، وەزیری بەرگری ئەمەریکا بەهۆی بڕیاری دۆناڵد ترەمپ بۆ کشانەوەی هێزەکانیان لە سوریا.



Copyright © 2016 Xendan.org all rights reserved

designed and developed by AVESTA GROUP