پۆلیسی سلێمانی: كەسێك كوژراو دوو تۆمەتباریش دەستگیركران

- 12/17/2018 11:19:00 AM 13857 جار خوێندراوەتەوە

خەندان-

پۆلیسی سلێمانی رایگەیاند، بەیانی ئەمڕۆ لەگوندی قەڵبەزەی سەربە ناحیەی وارماوا گەنجێكی تەمەن 26 ساڵ بە گوللـە كوژرا، دوای گەیشتنی هێزەكانی پۆلیس و تیمەكانی بەڵگەی تاوان و هێڵكاری بۆ شوێنی ڕوداوەكە كرا و لەلایەن هێزەكانی بنكەی پۆلیسی وارماوا دوو كەس دەستگیركران كە تۆمەتبارن بە كوشتی گەنجەكە.

پۆلیسی سلێمانی لە راگەیەندراوێکدا رایگەیاند، بەیانی ئەمڕۆ لەگوندی قەڵبەزەی سەربە ناحیەی وارماوا گەنجێكی تەمەن 26 ساڵ بە گوللـە كوژراوە.

ئاماژەی بەوەشکردووە، گەنجە كوژراوەكە ناوی (ع ، م ، س ) و لەدایكبووی 1992، پیشە خوێندكارە، بە چەكی جۆری كڵاشینكۆف كوژراوە.

راشیگەیاندووە، دوو کەس بەتۆمەتی کوشتنی گەنجەکە دەستگیرکراون، لە ئێستا هەریەك لە تۆمەتباران (ع ، ع ، أ ) و (س ، ف ، أ ) بەفەرمانی داوەرو بەپێی ماددەی 406 لەیاسای سزادانی عیراقی ڕاگیراون و دەستیش گیراوە بەسەر چەكی بەكارهاتوودا.

ئەوەش خراوەتەڕوو، لەلایەن بنكەی پۆلیسی وارماواوە پەڕاوی لێكۆڵینەوە بۆ ڕوداوەكە كراوەتەوە.


Copyright © 2016 Xendan.org all rights reserved

designed and developed by AVESTA GROUP