نادییە موراد و وەزیری دەرەوەی تورکیا کۆبوونەوە

- 12/16/2018 8:37:00 PM 3235 جار خوێندراوەتەوە

خەندان-ئاکام محەمەد

نادیە موراد بالیۆزی نیازپاکی لە نەتەوە یەکگرتووەکان لەگەڵ مەولوت چاوشئۆغلو وەزیری دەرەوەی تورکیا لە دەوحە کۆبووە و داوای راگرتنی هێرشە ئاسمانیەکانی تورکیای کرد بۆ سەر شەنگال.

نادیە، لە پێگەی فەرمی خۆی لە تویتەر نوسیویەتی" لەگەڵ چاوشئۆغلو کۆبوومەوە بۆ باسکردنی هێرشەکانی ئەم دواییەی سوپای تورکیا بۆ سەر شەنگال و دەوروبەریی".

"تورکیا  و عێراق پێویستە هەماهەنگ بن لە دۆزینەوەی رێگەچارەیەک بۆ وەستاندنی بۆردومانەکانی سەر شەنگال، پێویستە هەوڵی بونیاتنانەوەی ئەو شتانە بدەین کە داعش خاپوری کردووە و یارمەتی ئێزیدییەکان بدەین بگەڕێنەوە ناوچەکانی خۆیان".

شەوی ١٣/١٢ لە دەوروبەری کاتژمێر ٩:٠٠، فرۆکە جەنگییەکانی سوپای تورکیا بوردومانی شەنگال و چیای قەرەچوغیان کرد، بەهۆی ئەو بۆردومانانەوە سێ ئەندامی هێزەکانی پاراستنی مەخمور گیانیان لەدەستداوە، هەر چوار قوربانییەکە ژنن، زیانێکی زۆری مادیشی لێکەوتوەتەوە. 


Copyright © 2016 Xendan.org all rights reserved

designed and developed by AVESTA GROUP