شەپۆلێکى بەفر بارین روو لەهەرێمى کوردستان دەکات

- 12/15/2018 7:29:00 PM 120061 جار خوێندراوەتەوە

خەندان-

بەڕێوەبەرایەتى کەشناسى و بومەلەرزەزانى هەرێمى کوردستان ئاشکراى دەکات رۆژى ٢ شەممە بەفربارین لە هەرێمى کوردستان دەستپێدەکات.

سەرچاوەیەک لە بەشى پەیوەندییەکانى به‌ڕێوه‌به‌رایه‌تی كه‌شناسیی و بومه‌له‌رزه‌زانیی هه‌رێم بە خەندان-ى ڕاگه‌یاند:" سبه‌ینێ یەکشەممە 16ی 12ی 2018 ئاسمان بەهەمان شێوەى ئەمرۆ هەورو هەتاو دەبێت و پلەى گەرما دوو پلە زیاد دەکات.

وتیشی:"بەیانى رۆژى دوو شەممە به‌هۆی كاریگه‌ری نزمه‌ پاڵه‌په‌ستۆی ده‌ریای سوره‌وه‌، شەپۆلێکى بەفر بارین روو لە هەرێمى کوردستان دەکات و مەرکەزى شارەکانیش دەگرێتەوەو تا نیوەڕۆى رۆژى سێشەممە بەردەوام دەبێت".

لە زۆربەى شارو شارۆچکەکانى هەرێمى کوردستان، لەکاتى بارینى بەفر، هاووڵاتیان بۆ دەربڕینى خۆشى و بەڕێکردنى کاتەکانیان لەگەڵ خێزان و هاوڕێکانیان، سەردانى ناوچەکانى دەرەوەى شار دەکەن و لە ڕێگەى شەڕە تۆپەڵ و شێرە بەفرینەوە خۆشییەکانیان دەردەبڕن.



Copyright © 2016 Xendan.org all rights reserved

designed and developed by AVESTA GROUP