حزبى دەعوە هێرش دەکاتە سەر سەدر و عەبادى و حەکیم

- 12/15/2018 4:02:00 PM 2531 جار خوێندراوەتەوە

خەندان-

حزبى دەعوەى ئیسلامى، هاوپەیمانى چاکسازى و بنیاتنان تۆمەتبار دەکات بۆ هۆکارى پڕکردنەوەى وەزارەتە بەتاڵەکانى حکومەتەکەى عادل عەبدولمەهدى.

جاسم بەیاتى سەرکردە لە حزبى دەعوەى ئیسلامى لەلێدوانێکى رۆژنامەوانیدا ڕایگەیاند: " هاوپەیمانى چاکسازى و بنیاتنان کە هەریەک لە موقتەدا سەدرو عەمار حەکیم و حەیدەر عەبادى سەرۆکایەتى دەکەن، هۆکارى دواکەوتنى پڕکردنەوەى وەزارەتە بەتاڵەکانى حکومەتەکەى عادل عەبدولمەهدییە.

وتوشیەتى کە هاوپەیمانى چاکسازى و بنیاتنان چونکە ١٤ وەزارەتەکەى ترى لا گرنگ بووە، بۆیە دەنگى پێدان، بەڵام ئێستا کێشەیە بۆ دەنگدان بەو هەشت وەزارەتەى کە ماون.

تائێستا پۆستى هەشت وەزارەتى حکومەتەکەى عادل عەبدولمەهدى بە بەتاڵى ماونەتەوە، پەرلەمانى عێراق چەندین جار بەهۆى ناکۆکى لایەنە سیاسییەکانەوە نەیتوانیوە دەنگدان لەسەر کاندیدى وەزارەتەکان بدات.

 

 



Copyright © 2016 Xendan.org all rights reserved

designed and developed by AVESTA GROUP