کۆشکی سپی روونکردنەوەیەکی لەبارەی پەیوەندییە تەلەفۆنییەکەی ترەمپ و ئەردۆغان بڵاوکردەوە

- 12/15/2018 2:09:00 PM 8705 جار خوێندراوەتەوە

خەندان-

کۆشکی سپی روونکردنەوەیەکی لەبارەی پەیوەندییە تەلەفۆنییەکەی ترەمپ و ئەردۆغان بڵاوکردەوە و رایگەیاند، هەردوو سەرۆک باسیان لەو بابەتانە کردووە کە پەیوەندیان بە هەردوولایانەوە هەیە لە سوریا.

نوسینگەی راگەیاندنی کۆشکی سپی بە دەنگی ئەمەریکا راگەیاند، دۆناڵد ترەمپ، سەرۆکی ئەمەریکا و رەجەب تەیب ئەردۆغان، سەرۆک کۆماری تورکیا شەوی رابردوو پەیوەندی تەلەفۆنیان ئەنجامداوە و هەردوو سەرۆک باسیان لەو بابەتانە کردووە کە پەیوەندیان بە هەردوولایانەوە هەیە لەوانە نیگەرانیـیە ئاسایشیـیەکانی تورکیا و ئەمەریکا لە سوریا و شەڕی دژی تێرۆر.

ئاماژەی بەوەشکردووە، "ترەمپ و ئەردۆغان رازییبوون لەسەر بەردەوامبوونی هەماهەنگی بۆ بەدیهێنانی ئامانجە ئاسایشیـیەکانمان لە سوریا."

پێشتر سەرۆکایەتی کۆماری تورکیا بڵاویکردبووەوە، ترەمپ و ئەردۆغان لە پەیوەندییەکی تەلەفۆنیدا "رێککەوتن لەسەر دەستەبەرکردنی ھاریکاری کاریگەرتر لە سووریا". 

پەیوەندیە تەلەفۆنییەکەی نێوان ترەمپ و ئەردۆغان دوای ئەوە هات کە هەفتەی رابردوو ئەردۆغان رایگەیاند، ئامادەکارییەکانیان بۆ هێرشکردنە سەر رۆژهەڵاتی فوڕات تەواوبووە و  لە چەند رۆژی داهاتوودا ئۆپەراسیۆنی سەربازی بۆ رۆژهەڵاتی فورات دەستپێدەکەن، کە لە ژێر کۆنتڕۆڵی شەڕڤانانی هێزەکانی سوریای دیموکرات (هەسەدە) دایە.

بەڵام دوای ئەو لێدوانانەی وەزارەتی بەرگری ویلایەتە یەکگرتووەکانی ئەمەریکا بە ناڕاستەوخۆ وەڵامی هەڕەشەکانی دایەوە سەبارەت بە هێرشکردنە سەر هێزە کوردیـیەکانی سوریا و رایگەیاند، "هەر کردارێکی لەو جۆرە جێی قبوڵ نیـیە".

شان ڕۆبەرتسن، وتەبێژی وەزارەتی دەرەوەی ئەمەریکا ڕاگەیاندووە، "هەر کردارێکی سەربازی تاکلایەنە لە لایەن هەر چ لایەنێکەوە ئەنجام بدرێت لە باکوری ڕۆژهەڵاتی سوریا، بە تایبەتی کە ڕەنگە سەربازانی ئەمەریکایی لێبن یان لەو نزیکانە بن، جێی نیگەرانی زۆرە، بۆیە هەر کردارێکی لەو جۆرە جێی قبوڵ نیـیە".

وتەبێژی وەزارەتی دەرەوەی ئەمەریکا ئەوەشی وت، "تورکیا بۆ زیاتر لە 60 ساڵە هاوپەیمانێکی ناتۆیە و هاوبەشێکی سەرەکیـیە لە هاوپەیمانێتی جیهانی بۆ تێکشکاندنی داعش، وابەستەیی فەرمیمان هەیە لە بەرامبەر ئاسایشی یەکتر، ئێمە بە تەواوی وابەستەین بە ئاسایشی سنوورەکانی تورکی

نیشانەکردن :

#ئه‌مه‌ریكا #تورکیا

Copyright © 2016 Xendan.org all rights reserved

designed and developed by AVESTA GROUP