منداڵێک بۆ سێهەم ساڵ لەسەریەک لە پێشبڕكێیەکی زانستی نێودەوڵەتیدا پلەی یەکەم بەدەست دەهێنێت

- 12/10/2018 10:00:00 PM 16538 جار خوێندراوەتەوە

خەندان-ئاکام محەمەد

منداڵێکی تەمەن ١٢ ساڵی ئێرانی بۆ سێهەم ساڵ لەسەریەکە بەشداری پیشبرکێیەکی نێودەوڵەتی بواری ماتماتیکدا دەکات و پلەی یەکەم بەدەست دەهێنێت.

یاسەمین سولەیمانی تەمەن ١٢ ساڵ، دانیشتوی شارۆچکەی فوروجە لە هەرێمی بولوچستان،  بۆ جاری سێهەمە بەشداری پێشبرکێی (ئاباکوس) دەکات، کە پێشبرکێیەکی ساڵانەی نێودەوڵەتییە لە بواری ماتماتیکدا.

لە پێشبرکێی ئەمساڵدا ٢٢٠٠ کێبڕکێکار لە ٧٥ وڵاتی جیاوازی جیهاندا لە کوالالمپوری پایتەختی مالیزیا بەشداربوون.

سولەیمانی لە هەردوو پلەی پێشکەوتوو و ئاسانی کێبرکێکەدا بەشداربوو، توانی لە ماوەی هەشت خولەکدا ٢٠٠ پرسیاری ماتماتیک بۆ ئاستی پێشکەوتو شیکار بکات.


Copyright © 2016 Xendan.org all rights reserved

designed and developed by AVESTA GROUP