بەپەلە

دادوەرێک داوا لە دادگای باڵای تورکیا دەکات سەرپۆش بۆ "خانمانی سەرباز" قەدەغە بکات
ئەردۆغان بۆ دادوەرەکە: تۆ خۆت بە چی دەزانیت تا لە دژی یاسا بوەستیتەوە

- 12/9/2018 10:52:00 PM 18979 جار خوێندراوەتەوە

خەندان-ئاکام محەمەد

رەجە تەیب ئەردۆغان سەرۆککۆماری تورکیا هێرشی توندی کردە سەر دادوەرێک کە داوای لە دادگای باڵای وڵاتەکەی کردبوو سەرپۆش بۆ ئەو خانمانە قەدەغە بکات کە لە خزمەتی سەربازیدان.

ئەو دادوەرە سەر بە پارتی ئازادی گەلانە، پرۆژە یاسایەکی پێشکەش بە دادگای باڵای وڵاتەکەی کردووە، تیایدا ئاماژە بەوە دەدات" سەرپۆشینی خانمان لە سەربازیدا لە دژی عەلمانیەتە".

لە وەڵامدا رەجەب تەیب ئەردۆغان، هێرشی توندی کردە سەر دادوەرەکە و وتی" تۆ خۆت بە چی دەزانیت؟ چۆن دەتوانیت داوای لابردنی سەرپۆش بکەیت، کە ئەوە بەپێی یاسا رێکخراوە؟"

لە سەرەتای دامەزراندنی کۆماری تورکیاوە لە ساڵی ١٩٢٣ لەسەر دەستی مستەفا کەمال ئەتاتورک، سەرپۆشینی خانمان قەدەغەکرابوو، تا گرتنە دەستی دەسەڵات لەلایەن ئەردۆغانەوە، کە بڕیاریدا بە هەڵگرتنی ئەو یاسایە لە دژی خانمانی باڵاپۆش.


Copyright © 2016 Xendan.org all rights reserved

designed and developed by AVESTA GROUP