پوتین هەرەشەی بنیاتنانی موشەکێکی" قەدەغەکراو" لە دژی ئەمەریکا دەکات

- 12/5/2018 10:52:00 PM 4443 جار خوێندراوەتەوە

خەندان-ئاکام محەمەد

ڤلادمیر پوتین، سەرۆکی روسیا هۆشداری دەداتە دۆنالد ترەمپ و دەڵێت" ئەگەر ئەمەریکا  ئەو جۆرە موشەکە بونیات بنێت کە بەپێی رێککەوتنە سەربازییەکانی نێوانمان قەدەغەکراوە، ئەوا ئێمەش هەمان کاردانەوەمان دەبێت".

ئەو وتانەی پوتین بۆ ئاژانسی فەرمی وڵاتەکەی دوای ئەوە هات، دوێنێ مایک پەمپیو لە کۆبوونەوەی تایبەتی ناتۆدا رایگەیاند، ئەمەریکا لە ماوەی ٦٠ رۆژدا ئەو رێککەوتنە هەڵدەسپێرێت کە لە نێوان روسیا-ئەمریکادا واژۆکراوە بۆ قەدەغەکردنی موشەکی مەودا ناوەند.

 پەمپیو  لە وتەکانیدا روسیای بە" ناپاکیکردن لە رێککەوتنەکان" لەقەڵەمدا و هاوکات ئاماژەی بەوەدا روسیا جۆرێکی تیابەتی موشەکی بونیاتناوە کە توانای هەڵگرتنی قومبەلەی ناوەکیان هەیە"، و هۆکاری کشانەوەی ئەمەریکای لە رێککەوتنەکە بۆ ئەوە گەڕاندەوە

حکومەتی مۆسکۆ ئەو وتانەی بەرپرسانی واشنتن رەتدەکاتەوە،" ئەمەریکا یەکەم جار خۆی یەکلایی دەکاتەوە بۆ چونە دەرەوە لە رککەوتنەکان دواتر پاساوێکی بۆ هەڵدەبەستێت تا وای پشان بدەن کە کێشەکە لە ئەوانەوە نییە" پوتین وا وت.


Copyright © 2016 Xendan.org all rights reserved

designed and developed by AVESTA GROUP