کاندیدى وەزارەتى بەرگرى عێراق : من سەربەخۆم و حزبى نیم

- 12/4/2018 9:46:00 PM 17633 جار خوێندراوەتەوە

خەندان-

کاندیدى وەزارەتى بەرگرى عێراق وەڵامى مەشعان جبوورى دەداتەوەو دەڵێت "من سەربەخۆم و حزبى نیم".

کاندید بۆ وەزارەتى بەرگرى عێراق، لیوا روکن هشام دەراجى لە لێدوانێکدا بۆ ئاژانسى ئەخبارییە، وەڵامى تۆمەتەکانى مەشعان جبوورى پەرلەمانتارى عێراقى داوەتەوەو ڕایگەیاندوە" من سەربەخۆم و سەر بە هیچ هێزێکى سیاسى نیم".

هشام دەراجى وتوشیەتى کە داوا لەسەر مەشعان جبورى تۆمار دەکات بە هۆکارى (خراپ مامەڵەکردن و تۆمەت) دروستکردن بۆى.

ئەو کاندیدەى وەزارەتى بەرگرى عێراق ئاماژەى بەوەشکردووە، کە بەهیچ شێوەیەک حزبى نییە، کاتێک سەرۆک وەزیران داواى کردووە کە هەموو کەسێک دەتوانێت خۆى کاندید بکات، لەڕێگەى ئەلکترۆنییەوە فۆڕمى کاندید بوونى پڕکردۆتەوە.

ئەمڕۆ پەرلەمانى عێراق نەیتوانى دەنگ بدات بەو هەشت کاندیدەى کە عادل عەبدولمەهدى پێشکەشى کردبوو بۆ پڕکردنەوەى وەزارەتە بەتاڵەکانى حکومەتەکەى و دانیشتنەکە بۆ رۆژى پێنج شەممە دواخرا.


Copyright © 2016 Xendan.org all rights reserved

designed and developed by AVESTA GROUP