ئەم هەفتەیە دابەشکردنى موچەی مانگی نۆ دەستپێدەکات

- 12/3/2018 8:27:00 AM 55277 جار خوێندراوەتەوە


خەندان-
 
بەپێى ئەو زانیارییانەى دەست خەندان کەوتووە رۆژى چوارشەممە دابەشکردنى مووچەى مانگى نۆ دەست پێدەکات، بەڕێوەبەرى گەنجینەى یەکی سلێمانی رایدەگەیەنێت وردبینى لە لیستى مووچەى تەواوى فەرمانگەکانى سنوورى سلێمانى کراوە.

حەسەن رەشید بەڕێوەبەرى گەنجینەى یەکى سلێمانى لە لێدوانێکى تایبەت بە خەندان-ى راگەیاند:" لیستی‌ مووچەخۆرانی مانگی‌ نۆی ٢٠١٨ ى تەواوی‌ فەرمانگەو دامەزراوەكانی سنوورى پارێزگاى سلێمانى وردبینى بۆ کراوە، هەروەها لیستى مووچەى مامۆستایانى گرێبەست و فەرمانبەرانیش کۆتایی هاتووە ".

لەلایەکى ترەوە، بەپێى زانیارییەکانى خەندان، لە ناوەراستى ئەم هەفتەیەوە دەست دەکرێت بە دابەشکردنى مووچەى مانگى نۆى ساڵى ٢٠١٨، بەم شێوەیەی خوارەوە:

ڕۆژی چوارشەممە 2018/12/5 مووچەی دیوانی_وەزارەتی_پێشمەرگە و لیواكان دابەش دەكرێت.

رۆژی پێنجشەممە 2018/12/6 مووچەی یەكەی70 و 80 ی وەزارەتی پێشمەرگە دابەشدەكرێت.

ڕۆژی یەكشەممەی دواتر 2018/12/9 مووچەی وەزارەتی پەروەردە دابەشدەكرێت.

رۆژی دووشەممە 2018/12/10 مووچەی وەزارەتی تەندروستی دابەشدەكرێت.


Copyright © 2016 Xendan.org all rights reserved

designed and developed by AVESTA GROUP