هەرئێستا

سەرۆک کۆمار دوای زنجیرە گەشتەکەی بۆ چەند وڵاتێکی دراوسێ گەڕایەوە بەغدا

- 11/19/2018 10:31:00 PM 2215 جار خوێندراوەتەوە

خەندان-

ئەمڕۆ دووشەممە ٢٠١٨/١١/١٩  د. بەرهەم ساڵح سه‌رۆك كۆمار لە ریازی پایتەختی شانشینی عەرەبستانی سعودییەوە گەڕایەوە بەغدا.

دوای کۆتایی هاتنی سەردانی سەرۆک بەرهەم ساڵح، بۆ هەریەک لە کۆماری ئیسلامی ئێران و شانشینی عەرەبستانی سعودی گەیشتەوە بەغدای پایتەخت، سەردانەکەی سەرۆک کۆمار بۆ هەردوو وڵات لە چوارچێوەی گەشتێکیدا بوو بۆ وڵاتانی دراوسێ و لەو گەشتەیدا لەگەڵ سەرۆک و پادشا و میر و گەورە لێپرسراوانی ئەو وڵاتانەدا کۆبووەوە.

ئامانجی ئەو گەشتانەی سەرۆک کۆمار، پێکەوە کارکردن بوو بۆ پتەوکردنی رایەڵەی برایەتی و دۆستایەتی و هاریکاریکردن لەگەڵ ئەو وڵاتانەدا کە بە جۆرێک خزمەت بە بەرژەوەندی هاوبەشی نێوان عێراق و دەوڵەتانی برا و دۆست دەکات.

 لەو زنجیرە گەشتەیدا کە بە هاوەڵی شاندێک لە راوێژکار و پسپۆڕان ئەنجامیدا، سەرۆک کۆماری عێراق جەختی لە یەکخستنی هەوڵەکانی عێراق و وڵاتانی دراوسێ کردەوە  لە پێناو بنیاتنان و پێشکەوتن و ئارامی زیاتر لە عێراق و ناوچەکەدا. 

نیشانەکردن :

#د.به‌رهه‌م ساڵح

Copyright © 2016 Xendan.org all rights reserved

designed and developed by AVESTA GROUP