وەزیری دادی ئەمەریكا دەستی لەكاركێشایەوە

- 11/8/2018 12:02:00 AM 3906 جار خوێندراوەتەوە

خەندان-

جێف سێسشنس، وەزیری دادی ئەمریكا رایگەیاند، لەسەر داوای دۆناڵد ترەمپ، سەرۆكی ویلایەتە یەكگرتووەكانی ئەمریكا دەستی لەكاركێشایەوە.

 جێف سێسشنس، وەزیری دادی ئەمریكا لە نامەی دەستلەكاركێشانەوەكەیدا دەڵێت، "بەڕێز سەرۆك، لەسەر داوای بەڕێزتان دەستلەكاركێشانەوەی خۆم پێشكەش دەكەم. هاوكات زۆر سوپاستان دەكەم كە ئەو هەلەیەتان بەمن بەخشی".

سێسشنس لە نامەكەی جەخت دەكاتەوە، لەوەی كە لەو ماوەی كاری كردووە زۆر بە حەزەوە ئەركەكانی بە جێگەیاندووە و هەروەها سوپاسی تەواوی هاوكارەكانیشی كرد لە وەزارەتی داد.

هاوكات دۆناڵد ترەمپ لە تویتێكیدا نوسیوویەتی، "سوپای وەزیری داد جێف سێسشنس دەكەم بۆ بەجێهێنانی ئەركەكەی، نیازپاكی خۆمانی پێرادەگەیەنین. لە بەروارێك دەستنیشان دەكەم بۆ دانانی كەسێك لە شوێنی ناوبراو ".

ترەمپ هەروەها دەڵێت، بەشێوەیەكی كاتی بەڕێوبەری قەلەمی تایبەتی وەزارەتی داد ماتیۆ گی. وایتەكەی وەك وەزیری داد دەستبەكار دەبێت.


Copyright © 2016 Xendan.org all rights reserved

designed and developed by AVESTA GROUP