کتێبی شیعری "وەرە بمکە بە باخچە" بڵاودەکرێتەوە

- 11/4/2018 10:08:00 PM 1844 جار خوێندراوەتەوە


خەندان کلتور-

بەیان ئیبراھیم، نوسەر و رۆژنامەنوس سێیەم کتێبی خۆی بە ناوی "وەرە بمکە بە باخچە" بڵاودەکاتەوەو بەمزووانە لە چوارچێوەی پرۆژەی گوڵیار-دا چاپ دەکرێت.

کتێبەکە لەلایەن پرۆژەی رۆشنبیری گوڵیارەوە چاپ و بڵاودەکرێتەوە و چەند کۆمەڵە شیعر و پەخشانێکی بەیان ئیبراهیم لەخۆدەگرێت. 

بەیان ئیبراهیم رەحیم، نوسەر و رۆژنامەنوسە و دانیشتووی شاری سلێمانییە، جگە لە کتێبی "وەرە بمکە بە باخچە" خاوەنی دوو کتێبی دیکەیە بە ناوی " نیگای بەیان_کۆ وتار" کە باس لە رامیاری کۆمەڵگەی کوردی و کلتوری ژنانی کورد دەکات، هەروەها کتێبی " ئێوارەیەکی پەمەیی " کە کۆمەڵە شیعرێکی نوسەرە . 

بەیان ئیبراهیم بەشداری چەندین کۆڕ و سیمینار بووە و خاوەنی چەند خەڵاتێکی چالاکی ژنانە لە هەولێر و سلێمانی.


Copyright © 2016 Xendan.org all rights reserved

designed and developed by AVESTA GROUP