لە ئاسمان باڵندە خۆی پێداكێشاوە
دوای ماوەیەك كەم لە فڕینی، فڕۆكەیەك گەڕایەوە فڕۆكەخانەی هەولێر

- 11/4/2018 1:27:00 PM 75901 جار خوێندراوەتەوە

خەندان-

تەلار فایەق، بەڕێوەبەری فڕۆكەخانەی هەولێر رایگەیاند، بەیانی ئەمڕۆ فڕۆكەیەك لە فڕۆكەخانەی هەولێرەوە بەرەو فڕۆكەخانەی نەجەف بەڕێكەوتووە، بەڵام بەهۆی ئەوەی باڵندە خۆی پێداكێشاوە فڕۆكەوانەكە ناچاربووە بگەڕێتەوە فڕۆكەخانەی هەولێر.

تەلار فایەق، بەڕێوەبەری فڕۆكەخانەی هەولێر رایگەیاند، كاتژمێر 10:07 خولەكی بەیانی ئەمڕۆ فڕۆكەیەكی هێڵی ئاسمانی عێراقی بەرەو فڕۆكەخانەی نەجەف فڕی، بەڵام دوای ماوەیەكی كەم گەڕایەوە فڕۆكەخانەی هەولێر.

ئاماژەی بەوەشكردووە، فڕۆكەكە دوای ئەوەی بەرزبووەتەوە لە ئاسمان باڵندە خۆیان پێدا كێشاوە و فڕۆكەكە تووشی كێشەی تەكنیكیی بووە، ئەوەش فڕۆكەوانەكەی ناچاركردووە بگەڕێتەوە بۆ فڕۆكەخانەی هەولێر.

بەڕێوەبەری فڕۆكەخانەی هەولێر دەشڵێت، فڕۆكەكە 98 سەرنشینی هەڵگرتووە و بەسەلامەتی گەڕاوەتەوە فڕۆخانەی نێودەوڵەتی هەولێر.



Copyright © 2016 Xendan.org all rights reserved

designed and developed by AVESTA GROUP