داوا دەكرێت بەریتانیا رێز لە سەربازە مسوڵمانەكانی بەشداربووی شەڕی جیهانی یەكەم بگرێت

- 10/28/2018 3:15:00 PM 10182 جار خوێندراوەتەوە

خەندان- خۆشناو حسێن

رۆژنامەی تەلەگرافی بەریتانی بڵاویكردەوە، بەریتانیا رێز لەو سەربازە مسوڵمانانە دەگرێت كە لە پاڵ هێزەكانی شانشینی بەریتانیادا لە شەڕی جیهانی یەكەم شەڕیان كردووە.

ئێدوارد مالنیك، نووسەری رۆژنامەی تەلەگرافی بەریتانی نوسیویەتی، "زۆربەی بەریتانییەكان نازانن كە سەدان هەزار سەربازی مسوڵمان لە ناو هێزەكانی شانشینی بەریتانیا لە شەڕی جیهانی یەكەمدا شەڕیان كردووە و دەبێت رێزیان لێبگیردرێت، كە شایستەن".

لورد ریچاردز، سەرۆكی ئەركانی هێزەكانی بەرگری بەریتانیا و سدیق خان، سەرۆكی شارەوانی لەندەن و جەیمس كلیفرلی، جێگری سەرۆكی پارتی پارێزگاران لە نامەیەكدا بۆ رۆژنامەی تەلەگرافی بەریتانی داوایان كردووە بە بۆنەی دەستپێكردنی هەڵمەتی رێزلێنان لە سەربازانی نەتەوە و ئایینەكانی دیكە كە لە ساڵی 1914-1918 بەشداریان لە شەڕی جیهانی یەكەمیان كردووە رێز لە سەربازە مسوڵمانەكان بگیردرێت. 

لە نامەكەیاندا ئەو دوو بەرپرسەی بەریتانیا ئاماژەیان بەوەكردووە، زیاتر لە ملیۆنێك سەربازی هیندی كە لە ناویاندا 400 هەزاریان سەربازی مسوڵمانن و خەڵكی پاكستانی ئێستا بوون لە پاڵ سوپای بەریتانیا شەڕیان كردوون.


Copyright © 2016 Xendan.org all rights reserved

designed and developed by AVESTA GROUP