ترەمپ ڕەتیدەکاتەوە سیخوڕی بەسەر پەیوەندیە تەلەفۆنیەکانیەوە کرابێت

- 10/25/2018 3:57:00 PM 4778 جار خوێندراوەتەوە

خەندان -

دۆناڵد ترەمپ، سەرۆکی ویلایەتە یەکگرتووەکانی ئەمەریکا ڕەتیدەکاتەوە روسیا و چین سیخوڕیان بەسەر پەیوەندیە تەلەفۆنیەکانیەوە کردبێت.

لە تویتێکدا ترەمپ ڕایگەیاند، "هەندێ کەسی بەناو پسپۆڕ لە ڕۆژنامەی نیویۆرک تایمز ڕاپۆرتێکی درێژ و بێزارکەریان لەبارەی تەلەفۆنەکەی من بڵاوکردوەتەوە کە تەواو ناڕاستە و کاتم نیە وەڵامی بدەمەوە".

هەروەها ئاماژەی بەوەشکردووە، " من تەنها تەلەفۆنی تایبەتی حکومەت بەکاردەهێنم لەگەڵ مۆبایلێکی دیکەی حکومەت، تەواوی چیرۆکەکە هەڵبەستراوە".

پێشتر ڕۆژنامەی "نیویۆرک تایمز"ی ئەمەریکی ڕاپۆرتێکی لەبارەی پەیوەندیە تەلەفۆنیەکانی ترەمپ بڵاوکردبووە و ڕایگەیاند چین و ڕوسیا لە هەوڵی بەردەوامدان بۆ ئەوەی لەڕێی پسپۆڕەکانی بواری تەکنەلۆجیای گەیاندنەوە سیخوڕی بەسەر پەیوەندیە تەلەفۆنیەکانی دۆناڵد ترەمپەوە بکەن.

 

 

 



Copyright © 2016 Xendan.org all rights reserved

designed and developed by AVESTA GROUP