لەم مانگەوە کەسوکاری شەهیدان بە سیستەمی بایۆمەتری مووچە وەردەگرن

- 10/24/2018 10:40:00 AM 225690 جار خوێندراوەتەوە


خەندان-

بەڕێوەبەری گشتی وەزارەتی شەهیدان رایگەیاند، لەم مانگەوە کەسوکاری شەهیدان و ئەنفالکراوان بە سیستەمی بایۆمەتری مووچە وەردەگرن و ئەگەر پێناسیش دروست نەکەن مووچەکانیان رادەوەستێت.

ئەحمەدی مام رەسوڵ، بەڕێوەبەری گشتی لە وەزارەتی شەهیدان بە خەندان-ی راگەیاند، تا ئێستا ٤٦هەزار پێناسی کەسوکاری شەهیدان و ئەنفالکراوان تەواوبووە و بەشێکیشیان وێنەی وارسەکانیان نەگەیشتووە بۆ ئەوەی پێناسەکانیان بۆ دروستبکەین.

ئەحمەدی مام رەسوڵ وتیشی، ئامانجیش لە دروستکردنی ئەو پێناسانە وادەکات دۆسییەکانیان دیاریبکرێت و لەیەک شوێن کۆبکرێنەوە و کاری باشتر بۆ کەسوکاری شەهیدان وئەنفالکراوان و زیندانیانی سیاسی بکرێت.

دەشڵێت، ئەو وارسەی کە پێناسی بایۆمەتری بۆ دروست نەکرێت، مووچەکەی رادەگیرێت، تا پێناسی بایۆمەتری دروست دەکات و داواش لەسەرجەم کەسوکاری شەهیدان و زیندانیانی سیاسی دەکەین  نفوسەکەیان یان پێناسەکانیان یان بارکۆدی بایۆمەتری ببەن بۆ بەڕێوەبەرایەتییە گشتییەکان لە شارەکانی هەولێر و دهۆک و سلێمانی و دەوروبەری بۆئەوەی مامەڵەکەیان بۆ ئەنجامبدەن.
 
نزیکەی ٩٠ هەزار مووچەخۆری کەسوکاری شەهیدان و زیندانیانی سیاسی لەهەرێمی کوردستاندا هەیە.


Copyright © 2016 Xendan.org all rights reserved

designed and developed by AVESTA GROUP