مامۆستایەكی ئاینی لە هەولێر "كۆتایی بە ژیانی خۆی هێنا"

- 10/22/2018 12:04:00 PM 125955 جار خوێندراوەتەوە

خەندان- سالار محەمەد

نەبەز ئیسماعیل، وتەبێژی وەزارەتی ئەوقافی هەرێم رایگەیاند، ئەمڕۆ مەلا عەبدوڵا، پێشنوێژی مزگەوتی شێخ مستەفا لە هەولێر "كۆتایی بە ژیانی خۆی هێناوە".

نەبەز ئیسماعیل بە خەندان-ی راگەیاند، "ئەمڕۆ دووشەممە مەلا عەبدوڵا، پێشنوێژی مزگەوتی شێخ مستەفا لە هەولێر لە ناو حوجرەكەی لە مزگەوتەكە كۆتایی بە ژیانی خۆی هێناوە".

مەلا عەبدوڵا ئەحمەد، پێشتر فەرمانبەر بووە لە وەزارەتی ئەوقافی هەرێم، دوای ئەوەی خانەنشین بووە، بەڵام جارێكی دیكە بە گرێبەست دامەزراوەتەوە و بووەتە وتاربێژی مزگەوتی شێخ مستەفا لە هەولێر.

وتەبێژی وەزارەتی ئەوقافی هەرێم راشیگەیاند، تا ئێستا هۆكاری گیان لەدەستدانی ئەو مامۆستا ئاینییە نازانرێت.

هاوکات هۆگر عەزیز، وتەبێژی پۆلیسی هەولێر بە خەندان-ی راگەیاند، "ئەو مامۆستا ئاینییە بە چەکی کڵاشینکۆف کۆتایی بە ژیانی خۆی هێناوە".



Copyright © 2016 Xendan.org all rights reserved

designed and developed by AVESTA GROUP