وادەی ئازادکردنی سەڵاحەدین دەمیرتاش دیاریکرا

- 10/20/2018 3:23:00 PM 112634 جار خوێندراوەتەوە

خەندان -

سەرۆکی فراکسیۆنی هەدەپە لە پەرلەمانی تورکیا رایدەگەیەنێت پێشبینی دەکەین پێش ئەوەی دادگای مافی مرۆڤی ئەوروپا بڕیاری ئازادکردنی دەمیرتاش بدات، دادگای تورکیا بڕیاری ئازادکردنی دەربکات.

ئایهان بیلگەن سەرۆکی فراکسیۆنی هەدەپە لە پەرلەمانی تورکیا لە دیمانەیەکەی تەلەڤزیۆنیدا ئاماژەی بەوەکرد، "چاوەڕوانی بڕیارێکی ئەرێنی لە دادگای مافی مرۆڤی ئەوروپی دەکەین، لەوەش دەچێت پێش بڕیاری دادگاکە بڕیارێکی لەو جۆرە لەلایەن تورکیا دەربکرێت".

بیلگەن ئەوەشی خستەڕوو، پێشبینی دەکەین پێش هەڵبژاردنەکانی مانگی ئازاری ساڵی داهاتوو، بڕیاری ئازادکردنی دەمیرتاش لەلایەن دادگای مافی مرۆڤی ئەوروپا دەربکرێت.

ڕاشیگەیاند، پێدەچێت لە هەنگاوی دووەمدا سەرۆک شارەوانییەکان و پاشان ئەندام پەرلەمانە دەستیگرکراوەکانیش ئازاد بکرێن. 

بیلگێن باسی لەوەش کرد کە پاش دوو ساڵ دەستگیرکردنی ئەو بەرپرسانە، دەرچوونی بڕیارێکی وا لە دادگا ئەوروپییەکەوە، نەک تەنها بۆ ناوخۆی تورکیا، بەڵکو بۆ یەکێتی ئەوروپا و دەوڵەتەکانی ناویشی گرنگە.

ماوەی دوو ساڵە سەڵاحەدین دەمیرتاش-ی هاوسەرۆکی پێشووی هەدەپە و چەندین پەرلەمانتار و ئەندامی ئەو پارتە بە تۆمەتی هاوکاریکردنی تیرۆر لەلایەن دادگای تورکیاوە بڕیاری دەستگیرکردنیان بۆ دەرچووە و تا ئێستا ئازاد نەکراون.
 


Copyright © 2016 Xendan.org all rights reserved

designed and developed by AVESTA GROUP